'ఆర్ఆర్ఆర్'కు ది బెస్ట్ ఇంటర్నేషనల్ ఫిల్మ్ అవార్డు

50వ సాటర్న్ అవార్డ్స్‌లో ఎస్ఎస్ రాజమౌళి దర్శకత్వంలో గ్లోబల్ హిట్ మూవీ 'ఆర్ఆర్ఆర్' ఉత్తమ అంతర్జాతీయ చిత్రం అవార్డును గెలుచుకుంది. ఈ చిత్రం ఉత్తమ అంతర్జాతీయ చిత్రం, ఉత్తమ యాక్షన్ అడ్వెంచర్, ఉత్తమ దర్శకుడు వంటి అనేక విభాగాల్లో నామినేట్ చేయబడింది. 'ఆర్ఆర్ఆర్' చిత్రం, ఇద్దరు స్వాతంత్ర్య సమరయోధుల కథ - అల్లూరి సీతారామ రాజు (రామ్ చరణ్ పోషించారు), బ్రిటీష్ వారికి వ్యతిరేకంగా ఒక గిరిజన బాలిక కోసం పోరాడే జూనియర్ ఎన్టీఆర్ (కొమరం భీమ్ పాత్ర) ప్రపంచవ్యాప్తంగా బాక్సాఫీస్ వద్ద రూ. 1,000 కోట్లకు పైగా వసూలు చేసింది. జపాన్‌లో ఆర్‌ఆర్‌ఆర్‌ విడుదల నేపథ్యంలో రాజమౌళి ప్రమోషన్‌ కార్యక్రమాల్లో బిజీగా ఉండడంతో ఓ వీడియో సందేశం పంపారు.

రాజమౌళి మాట్లాడుతూ.. ''మా సినిమాకు ప్రతిష్టాత్మకమైన అవార్డు రావడం చాలా సంతోషంగా ఉంది. మా మొత్తం టీమ్ తరపున నేను జ్యూరీకి ధన్యవాదాలు తెలుపుతున్నాను. ఇది నాకు రెండో అవార్డు, మొదటిది 'బాహుబలి 2. జపాన్‌లో ఆర్‌ఆర్‌ఆర్ ప్రమోషనల్ ప్రోగ్రామ్‌లలో పాల్గొంటున్నందున నేను అవార్డుల కార్యక్రమానికి హాజరు కాలేకపోయాను. విజేతలందరికీ నా అభినందనలు'' అని అన్నారు. 'ఆర్ఆర్ఆర్' జపాన్‌లో విడుదల అయిన సందర్భంగా... అక్కడికి హీరోలు యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌ వెళ్లారు.