గుర్రంపై చ‌ర‌ణ్‌.. బండిపై ఎన్టీఆర్‌.. ఆర్ఆర్ఆర్ రిలీజ్ డేట్ ఫిక్స్‌

ద‌ర్శ‌క‌దీరుడు రాజ‌మౌళి తెర‌కెక్కిస్తున్న ప్ర‌తిష్టాత్మ‌క చిత్రం 'రౌద్రం రణం రుధిరం' (ఆర్‌ఆర్‌ఆర్‌). కొమరం భీమ్‌గా ఎన్టీఆర్, అల్లూరి సీతారామరాజుగా రామ్ చరణ్ న‌టిస్తున్నారు. ఇప్ప‌టికే ఈ ఇద్ద‌రు స్టార్‌హీరోల‌కు సంబంధించిన టీజ‌ర్‌ల‌ను విడుద‌ల చేశారు. అలియాభట్‌, ఒలివియోమోరిస్‌ కథానాయికలుగా న‌టిస్తున్నారు. డి.వి.వి.దానయ్య నిర్మాణంలో రూపొందుతున్న ఈ సినిమాకు సంబంధించి ప్ర‌స్తుతం క్లైమాక్స్ షూటింగ్ జ‌రుగుతుంది.

తాజాగా ఈ చిత్రానికి సంబంధించిన ఓ అప్‌డేట్‌ను చిత్ర‌బృందం అభిమానుల‌తో పంచుకుంది. ఈ ఏడాది అక్టోబ‌ర్ 13న విడుద‌ల చేయ‌నున్న‌ట్లు చిత్ర బృందం ప్ర‌క‌టించింది. ఈ మేర‌కు ఓ కొత్త పోస్ట‌ర్ ను పంచుకుంది. గుర్రంపై రామ్‌చ‌ర‌ణ్‌, బులెట్‌పై ఎన్టీఆర్‌లు దూసుకుపోతున్న పోస్ట‌ర్ అభిమాల‌ను అల‌రిస్తోంది.

'అక్టోబ‌ర్ 13న నీరు నిప్పు క‌లిసి వ‌స్తున్నాయి. ఆ శ‌క్తిని మీరు ఇంత‌కు ముందెప్పుడూ చూసి ఉండ‌రు. భారతీయ సినిమాలో అతి పెద్ద క‌ల‌యిక అద్భుత‌మైన అనుభూతిని ఇచ్చేందుకు వ‌స్తోంద‌ని' చిత్ర బృందం ట్వీట్ చేసింది.దాదాపు రూ.400కోట్ల భారీ బ‌డ్జెట్‌తో తెర‌కెక్కుతున్న ఈ చిత్రంలో బాలీవుడ్ న‌టుడు అజ‌య్‌దేవ్‌గ‌ణ్‌, శ్రియ‌, స‌ముద్ర ఖ‌ని కీల‌క పాత్ర‌లు పోషించారు.