ఆర్ఆర్ఆర్.. ఊహించని చిత్ర విచిత్రం.. స్నేహానికి చాచిన హస్తం
RRR Movie team shares interesting post goes viral.సినీ అభిమానులు ఎంతో ఆసక్తిగా ఎదురుచూస్తున్న చిత్రాల్లో ఆర్ఆర్ఆర్
By తోట వంశీ కుమార్
సినీ అభిమానులు ఎంతో ఆసక్తిగా ఎదురుచూస్తున్న చిత్రాల్లో 'ఆర్ఆర్ఆర్'(రౌద్రం రణం రుథిరం) చిత్రం ఒకటి. దర్శకదీరుడు రాజమౌళి ఎంతో ప్రతిష్టాత్మకంగా ఈ చిత్రాన్ని తెరకెక్కిస్తున్నారు. ఎన్నో సంచలనాలు, అనుమానాలకు తెరతీసిన ఓ ఫోటో.. రాజమౌళి షేర్ చేసి నేటితో నాలుగేళ్లు నిండాయి. ఈ విషయాన్ని ఆసక్తికర పోస్ట్తో చిత్ర బృందం తెలియజేసింది. సరిగ్గా నాలుగేళ్ల కిందట అంటే 2017లో రాజమౌళి ఈ పిక్ పెట్టి ఎన్నో ఊహాగానాలకు నాంది పలికారు. ఆర్ఆర్ఆర్ మొదలు పెట్టి 3 ఏళ్ళు పూర్తి చేసుకున్నాం. ఇప్పుడు మరో 50 రోజుల్లో ఈ సినిమా మ్యాజిక్ ని రిలీజ్ చెయ్యడానికి రెడీ చేస్తున్నాం.. ఊహించని చిత్ర విచిత్రం… స్నేహానికి చాచిన హస్తం అని ఇంట్రెస్టింగ్ ట్వీట్ చేసింది చిత్రబృందం. ప్రస్తుతం ఈ పోస్ట్ సోషల్ మీడియాలో వైరల్గా మారింది.
4 years since he posted this pic leaving room for so many speculations… 3 years since we began filming #RRRMovie… 50 Days for you to experience the magic on the big screen 💥💥
— RRR Movie (@RRRMovie) November 18, 2021
Oohinchani Chitra Vichitram… Snehaaniki Chaachina Hastham…❤️🙌🏻
Jan 7th, Let's blast!! https://t.co/S0prnnO4FM
అల్లూరి సీతారామరాజుగా మెగా పవర్ స్టార్ రామ్ చరణ్, గిరిజన వీరుడు కొమురం భీమ్ గా యంగ్ టైగర్ ఎన్టీఆర్ కనిపించనున్నారు. దాదాపు రూ.450కోట్ల భారీ బడ్జెట్తో ఈ సినిమా తెరకెక్కింది. కీరవాణి ఈ చిత్రానికి సంగీతాన్ని అందిస్తున్నాడు. ఒలివియా మోరీస్, ఆలియా భట్ హీరోయిన్లుగా నటిస్తుండగా.. శ్రియ, సముద్రఖని, అజయ్ దేవ్గణ్ కీలక పాత్రల్లో కనిపించనున్నారు. ఇక ఈ చిత్రం సంక్రాంతి కానుకగా జనవరి 7, 2022న ప్రపంచ వ్యాప్తంగా ప్రేక్షకుల ముందుకు రానుంది.