ర‌వితేజ 'రామారావు ఆన్ డ్యూటీ' రిలీజ్ డేట్ ఫిక్స్‌

మాస్ మ‌హారాజా ర‌వితేజ న‌టిస్తున్న చిత్రం 'రామారావు ఆన్ డ్యూటీ'. శరత్ మండవ దర్శకత్వంలో తెర‌కెక్కుతున్న ఈ చిత్రంలో ర‌వితేజ స‌ర‌స‌న దివ్యాంశా కౌశిక్, రజిషా విజయన్ న‌టిస్తున్నారు. వేణు తొట్టెంపూడి, నాజర్, తనికెళ్ల భరణి, పవిత్రా లోకేష్ త‌దిత‌రులు కీల‌క పాత్ర‌ల్లో న‌టిస్తున్నారు. ఎస్ఎల్వి సినిమాస్ ఎల్ఎల్పి, ఆర్టీ టీమ్‌ వర్క్స్ బ్యానర్లపై సుధాకర్ చెరుకూరి ఈ సినిమాని నిర్మిస్తున్నారు. ఈ హై-వోల్టేజ్ యాక్షన్ మూవీకి సామ్ సిఎస్ సంగీతం అందిస్తున్నారు.

ఇప్ప‌టికే ఈ చిత్రం నుంచి విడుద‌లైన ఫ‌స్ట్‌లుక్ పోస్ట‌ర్‌లు సినిమాపై అంచ‌నాల‌ను పెంచేశాయి. తాజాగా ఈ చిత్ర విడుద‌ల తేదీని చిత్ర బృందం ఫిక్స్ చేసింది. జూన్ 17న ప్ర‌పంచ వ్యాప్తంగా ఈ చిత్రాన్ని ప్రేక్ష‌కుల ముందుకు తీసుకురానున్న‌ట్లు ప్ర‌క‌టించింది. ఈ మేర‌కు ఓ కొత్త పోస్ట‌ర్‌ను విడుద‌ల చేసింది. ఈ పోస్ట‌ర్‌లో రవితేజ సీరియ‌స్ లుక్‌లో క‌నిపిస్తున్నాడు. కొన్ని భారీ వాహనాలు అడవి గుండా వెళ్తున్నట్టు క‌నిపిస్తోంది. కాగా.. ఇటీవ‌ల ఖిలాడీతో థియేట‌ర్‌లోకి వ‌చ్చిన మాస్ మ‌హారాజా అంచ‌నాల‌ను అందుకోలేక‌పోయాడు. మ‌రీ ఈ చిత్రంతో ర‌వితేజ స‌క్సెస్ బాట ప‌డుతాడో లేదో చూడాలి.