ర‌వితేజ 'రావ‌ణాసుర' ఫ‌స్ట్ గ్లింప్స్.. అదిరిపోయింది

మాస్ మ‌హారాజా ర‌వితేజ ప్ర‌స్తుతం వ‌రుస హిట్స్‌తో పుల్ జోష్‌లో ఉన్నారు. ఆయ‌న ప్ర‌స్తుతం ప‌లు చిత్రాల్లో న‌టిస్తున్నారు. అందులో సుధీర్ వ‌ర్మ ద‌ర్శ‌క‌త్వంలో తెర‌కెక్కుతున్న ‘రావణాసుర’ చిత్రం ఒక‌టి. నేడు(జ‌న‌వ‌రి 26న‌) ర‌వితేజ పుట్టిన రోజు సంద‌ర్భంగా ఈ చిత్ర ఫ‌స్ట్ గ్లింప్స్‌ను విడుద‌ల చేశారు. ఇందులో పెద్దగా డీటెయిల్స్ రివీల్ చేయలేదు. అయితే.. చూపించిన విజువల్స్ మాత్రం మంచి హిట్టింగ్ గా ఉన్నాయి.

చివ‌ర‌ల్లో సినిమా టైటిల్‌కు త‌గ్గ‌ట్లుగా ప‌గిలిన గ్లాస్ ముక్క‌ల్లో ర‌వితేజ ముఖాన్ని చూపించ‌డం ఆక‌ట్టుకుంటోంది. ఈ గ్లింప్స్ తో సినిమాపై మరింత క్యూరియాసిటిని పెంచేశారు. యూనిక్ థ్రిల్ల‌ర్ జోన‌ర్‌లో తెర‌కెక్క‌తున్న ఈ చిత్రంలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ లు క‌థానాయిక‌లుగా న‌టిస్తున్నారు. హర్షవర్ధన్ రామేశ్వర్, భీమ్స్ కలిసి సంగీతం అందిస్తున్నారు. ఇక ఈ చిత్రం ఏప్రిల్ 7 ప్ర‌పంచ వ్యాప్తంగా ప్రేక్ష‌కుల ముందుకు రానుంది.

ఇదిలా ఉంటే.. ఈ చిత్ర థియేట్రిక‌ల్ రైట్స్‌ను జీ నెట్‌వ‌ర్క్ భారీ ధ‌ర‌కు సొంతం చేసుకుంది. డిజిట‌ల్ స్ట్రీమింగ్ హ‌క్కులు జీ 5 వ‌ద్ద ఉండ‌గా, శాటిలైట్ హ‌క్కుల‌ను జీ తెలుగు సొంతం చేసుకుంది.