ఆచార్య‌కు తోడుగా సిద్ద‌.. మెగా క్రామేడ్స్ లుక్స్ అదుర్స్

మెగాస్టార్ చిరంజీవి న‌టిస్తున్న తాజా చిత్రం ఆచార్య‌. కొర‌టాల శివ ద‌ర్శ‌క‌త్వంలో తెర‌కెక్కుతున్న ఈ చిత్రంలో మెగా ప‌వ‌ర్ స్టార్ రామ్ చ‌ర‌ణ్.. సిద్ద అనే ఓ కీల‌క పాత్ర‌లో న‌టిస్తున్నాడు. కాగా.. నేడు రామ్‌చ‌ర‌ణ్ పుట్టిన రోజు సంద‌ర్భంగా ఆచార్య చిత్రంలోని ఆయ‌న లుక్‌ను పోస్ట‌ర్ రూపంలో విడుద‌ల చేశారు. వారిద్ద‌రు చేతిలో తుపాకుల‌తో వ‌స్తున్న విరోచిత చిత్రం ఎంత‌గానో ఆక‌ట్టుకుంటోంది. ఇటీవ‌ల ఓ సంద‌ర్భంలో చిరంజీవి చెప్పిన‌ట్లు వారిద్ద‌రి వేష‌దార‌ణ‌లు మావోయిస్టు త‌ర‌హాలో ఉన్నాయి. ప్ర‌స్తుతం ఈ పోస్ట‌ర్ సోష‌ల్ మీడియాలో తెగ వైర‌ల్ అవుతోంది. ఇటీవ‌ల తండ్రీ త‌న‌యుల కాంబినేష‌న్‌లో కీల‌క‌మైన స‌న్నివేశాల‌ను సింగ‌రేణి ప్రాంతంలో చిత్రీక‌రించారు.

ఈ సినిమాను దేవాదాయ శాఖ నేపథ్యంలో తెరకెక్కిస్తుండగా, ఇందులో దేవాలయం సెట్ కోసం దాదాపు రూ.10 కోట్లను ఖర్చు చేసారు. హైద‌రాబాద్ శివారులోని కోకాపేట్‌లో 20 ఎక‌రాల విస్తీర్ణంలో ఈ చిత్రం కోసం టెంపుల్ టౌన్ ఏర్పాటు చేయ‌గా, వీటికి సంబంధించిన ఫొటోల‌ను చిరంజీవి త‌న సోష‌ల్ మీడియాలో ఏర్పాటు చేశారు. కొణిదెల ప్రొడ‌క్ష‌న్ కంపెనీ ప‌తాకంపై రామ్‌చ‌ర‌ణ్ ఈ చిత్రాన్ని నిర్మిస్తున్నారు. ఈ చిత్రంలో చిరంజీవి సరసన కాజల్‌ అగర్వాల్‌ నటిస్తుండ‌గా.. చరణ్ కు జోడీగా పూజా హెగ్డే నటిస్తోంది. ఈ ఏడాది మే 13న ప్రేక్ష‌కుల ముందుకు రానుంది. ఇక ఈ చిత్రం కోసం మెగా అభిమానులు ఎంత‌గానో ఎదురుచూస్తున్నారు.