'రాధేశ్యామ్' మూవీ నుంచి క్రేజీ అప్‌డేట్‌

యంగ్ రెబ‌ల్ స్టార్ ప్ర‌భాస్ న‌టిస్తున్న చిత్రం 'రాధేశ్యామ్'. రొమాంటిక్ డ్రామాగా తెర‌కెక్కుతున్న ఈ చిత్రంలో ప్ర‌భాస్ స‌ర‌స‌న పూజాహెగ్డే న‌టిస్తోంది. రాధా కృష్ణ కుమార్ దర్శకత్వంలో పాన్ ఇండియా మూవీగా ఈ చిత్రం తెర‌కెక్కింది. తాజాగా ఈ చిత్రం నుంచి అదిరిపోయే అప్‌డేట్ ఇచ్చింది చిత్ర‌బృందం. ప్ర‌భాస్ పుట్టిన రోజు సంద‌ర్భంగా ఈ చిత్ర టీజ‌ర్‌ను విడుద‌ల చేయ‌నున్న‌ట్లు వెల్ల‌డించింది. అక్టోబ‌ర్ 23న ఉద‌యం 11.16 నిమిషాల‌కు టీజ‌ర్ ను రిలీజ్ చేయ‌నున్న‌ట్లు ఓ స‌రికొత్త పోస్ట‌ర్ ద్వారా వెల్ల‌డించింది.

ఈ పోస్టర్ లో ప్రభాస్ ఏదో ఆలోచిస్తూ కనిపిస్తున్నారు. ఈ పోస్టర్ లో ప్రభాస్ క్లోజప్ లుక్ చూస్తుంటే.. ఏదో ఆందోళనగా ఉన్నట్టే క‌నిపిస్తోంది. 'విక్రమాదిత్య ఎవరు? అక్టోబర్ 23 న 'రాధేశ్యామ్' టీజర్ గురించి తెలుసుకోవడానికి వేచి ఉండండి. టీజర్‌ను ఇంగ్లీష్ తో పాటు బహు భాషల్లో ఉపశీర్షికలతో ఆస్వాదించండి' అని ప్రభాస్ తన ఇన్‌స్టాగ్రామ్‌లో పోస్ట్ చేశారు. #GlobalPrabhasDay అనే వైరల్ హ్యాష్‌ట్యాగ్‌ను జోడించారు.

గోపికృష్ణ మూవీస్, యూవీ క్రియేషన్స్, టి-సిరీస్ బ్యానర్‌ లు సంయుక్తంగా నిర్మింస్తుండ‌గా.. సంక్రాంతి కానుక‌గా 2022 జ‌న‌వ‌రి 14న ప్రేక్ష‌కుల ముందుకు రానుంది ఈ చిత్రం.