డార్లింగ్ ల‌వ్‌స్టోరికి.. ముహూర్తం ఫిక్స్‌

యంగ్ రెబ‌ల్ స్టార్ ప్ర‌భాస్‌, పూజా హెగ్డే జంట‌గా న‌టిస్తున్న చిత్రం 'రాధే శ్యామ్‌'. పీరియాడిక‌ల్ ల‌వ్‌స్టోరీగా తెర‌కెక్క‌తున్న ఈ చిత్రానికి జిల్ ఫేం రాధాకృష్ణ ద‌ర్శ‌క‌త్వం వ‌హిస్తున్నాడు. ఈ చిత్ర అప్‌డేట్ కోసం ప్ర‌భాస్ ఫ్యాన్స్ ఎంతో అతృత‌గా ఎదురుచూస్తున్నారు. ప్రేమికుల దినోత్స‌వం సంద‌ర్భంగా ఫిబ్ర‌వ‌రి 14న 'రాధేశ్యామ్' టీజ‌ర్‌ను విడుద‌ల చేయ‌నున్న‌ట్లు చిత్ర‌బృందం ఇటీవ‌లే ప్ర‌క‌టించింది. ఈ క్ర‌మంలోనే టీజ‌ర్‌కు సంబంధించిన ఓ స్పెష‌ల్ అప్‌డేట్ ను శుక్ర‌వారం అభిమానుల‌తో పంచుకుంది. ఆదివారం ఉద‌యం 9.18 గంట‌ల‌కు రాధేశ్యామ్ టీజ‌ర్ ప్రేక్ష‌కుల ముందుకు రానుంది.

1980 దశకంలో యూరప్‌ నేపథ్యంలో నడిచే అందమైన ప్రేమకథా చిత్రంగా ఈ మూవీని తెర‌కెక్కించారు. ప్రేమికుడిగా ప్రభాస్‌ను వినూత్న పంథాలో ఆవిష్కరిస్తుంది. విక్ర‌మాదిత్య పాత్ర‌లో ఆయ‌న సంద‌డి చేయ‌నున్నాడు. పూజా .. ప్రేర‌ణ అనే పాత్ర‌లో క‌నిపించ‌నుంది. పునర్జన్మల నేపథ్యంలో ఈ మూవీ కథ మునుపెన్నడూ చూడ‌ని విధంగా ఉంటుంద‌ని తెలుస్తుంది. కృష్ణంరాజు సమర్పణలో యువీ క్రియేషన్స్‌, గోపీకృష్ణ మూవీస్‌ పతాకాలపై వంశీ, ప్రమోద్‌, ప్రశీద ఈ చిత్రాన్ని నిర్మిస్తున్నారు.