ఆహా..రాధే శ్యామ్ కి బాలీవుడ్ లో క్రేజ్ మాములుగా లేదుగా..

యంగ్ రెబల్ స్టార్ ప్రభాస్ ప్రస్తుతం "రాధే శ్యామ్ " సినిమా చేస్తున్న సంగతి తెలిసిందే. హాట్ బ్యూటీ పూజా హెగ్దే హీరోయిన్ గా నటిస్తున్న ఈ సినిమాలో ప్రభాస్ రొమాంటిక్ లవర్ బాయ్ లా కనిపించబోతున్నాడట. ఇక ప్రభాస్ ని లవర్ బాయ్ గా ఎప్పుడెప్పుడు చూస్తామా అని ఆశగా ఉన్నారు అభిమానులు. ఈ టైమ్ లో రాధేశ్యామ్ బిజినెస్ ఫ్యాన్స్ కి మంచి కిక్ ఇస్తోంది. ప్రస్తుతం సినిమా ఆలస్యమైనా సరే రేటు మాత్రం సూపర్ డూపర్ గా పలుకుతోందని సమాచారం అందుతుంది. ముఖ్యంగా ఓవర్సీస్ మార్కెట్ మళ్లీ ప్రభాస్ సినిమాతో పుంజుకుంటుందని అంటున్నారు. ప్రస్తుతం ఓవర్సీస్ మార్కెట్ చాలా డల్ గా ఉన్న నేపథ్యంలో రాధేశ్యామ్ సినిమా మంచి ఊపు తెస్తుందని నమ్మకంగా చెప్తున్నారు. దాదాపు 22కోట్లకి పైగా సినిమాని గ్రేట్ ఇండియన్ ఫిల్మ్స్ వాళ్లు సొంతం చేస్కోబోతున్నట్లుగా టాక్ అయితే గట్టిగా వినిపిస్తోందనే చెప్పాలి..

ఇక ఈ సినిమా సాహో తరువాత చాలా గ్యాప్ తో రావడం అలాగే పక్కా లవ్ బేస్డ్ మూవీ అవ్వడం, ఇందులో పూజాహెగ్డే, ఇంకా అలనాటి అందాల తారా భాగ్యశ్రీలు నటిస్తుండడం అనేది బాలీవుడ్ మార్కెట్ లో కూడా మంచి ఊపు తెస్తోంది. ఈ సినిమాకి రెండు తెలుగు రాష్ట్రాల్లో కూడా భారీ రేటు పలికే ఛాన్స్ ఉంది. ఇక దీనిని మించి బాలీవుడ్ లో రేటు పలుకుతుందని, ఖాన్ హీరోల సినిమాలు ఇలాగే లవ్ స్టోరీలు సూపర్ డూపర్ సక్సెస్ అయ్యాయి కాబట్టీ ఈసారి ప్రభాస్ మార్కెట్ ని గట్టిగానే కొడతాడని అంటున్నారు.ఇక ఈ సినిమాతో ప్రభాస్ పాన్ ఇండియా లెవెల్ లో లవర్ బాయ్ హీరోగా అవ్వడం ఖాయమని అంటున్నారు చిత్రబృందం వారు...

చివరిసారిగా సాహో సినిమాతో బాలీవుడ్ లో భారీ వసూళ్లు రాబట్టిన ప్రభాస్ ఇప్పుడు రాధేశ్యామ్ తో బాలీవుడ్ కలెక్షన్ కింగ్ గా మారబోతున్నాడని టాక్. ఎంత రేటైనా సరే కొనేందుకు బాలీవుడ్ లో పోటీపడుతున్నారట. సినిమా ఎప్పుడు రిలీజ్ అన్నది టీజర్ లో చెప్తే గనక ఈ మార్కెట్ ఇంకా పెరిగే అవకాశాలు కనిపిస్తున్నాయి.