వర్మకు షాకిచ్చిన పీవీఆర్, ఐనాక్స్
PVR and INOX cinemas rejects to screen Varma Dangerous.నిత్యం వివాదాలతో సావాసం చేసే దర్శకుడు రామ్గోపాల్ వర్మ
By తోట వంశీ కుమార్
నిత్యం వివాదాలతో సావాసం చేసే దర్శకుడు రామ్గోపాల్ వర్మ. తాజాగా ఆయన తెరకెక్కించిన చిత్రం 'డేంజరస్'. తెలుగులో మా ఇష్టం పేరుతో విడుదలవుతోంది. అప్సరా రాణి, నైనా గంగూలీ ప్రధాన పాత్రల్లో నటించిన ఈ చిత్రం ఏప్రిల్ 8న ప్రేక్షకుల ముందుకు రానుంది. ఇద్దరు మహిళల మధ్య సాగే ప్రేమ కథ ఈ చిత్రం అని ఇప్పటికే వర్మ అనేక సార్లు చెప్పాడు, లెస్బియన్ నేపథ్యంలో తెరకెక్కిన ఈ చిత్రానికి ప్రముఖ మల్టీప్లెక్సులైన పీవీఆర్ సినిమాస్, ఐనాక్స్ సినిమాస్లు గట్టి షాకిచ్చాయి.
తమ థియేటర్లలో ఈ చిత్ర ప్రదర్శనకు నిరాకరించాయి. ఈ విషయాన్ని రామ్గోపాల్ వర్మనే స్వయంగా సోషల్ మీడియా ద్వారా వెల్లడించాడు. తన సినిమాకు సెన్సార్ బోర్డు అనుమతి ఉన్న విషయాన్ని ప్రస్తావించాడు. ఈ రెండు సంస్థలు తమ నిర్ణయంతో స్వలింగ సంపర్కులను అవమానించారంటూ ఆవేదన వ్యక్తం చేశారు.
"@_PVRcinemas, @INOXCINEMAS నా చిత్రం 'ఖత్రా' (Dangerous) లెస్బియన్ ఇతివృత్తంతో తెరకెక్కింది కాబట్టి ప్రదర్శించడానికి నిరాకరించారు. సుప్రీంకోర్టు సెక్షన్ 377ని రద్దు చేసింది. సెన్సార్ బోర్డు ఆమోదించిన తర్వాత ఈ మూవీ విడుదలకు సిద్ధమైంది. నేను, #LGBT కమ్యూనిటీ మాత్రమే కాకుండా @_PVRcinemas, @INOXCINEMAS నిర్వహణకు వ్యతిరేకంగా నిలబడాలని ప్రతి ఒక్కరినీ అభ్యర్థిస్తున్నాను. ఇది మానవ హక్కులను అవమానించడమే" అని వర్మ ట్వీట్ చేశాడు.
. @_PVRcinemas , @INOXCINEMAS refusing to screen my film KHATRA (DANGEROUS) becos it's theme is LESBIAN ,and this after Supreme Court repealed section 377 and censor board already passed .it is a clear cut ANTI stand of their managements against #LGBT community pic.twitter.com/GxoHDH7Tjw
— Ram Gopal Varma (@RGVzoomin) April 5, 2022