హాట్‌స్టార్‌లో స్ట్రీమింగ్‌ కానున్న 'ప్రిన్స్‌'.. ఎప్పటినుంచంటే?

కోలీవుడ్‌కు చెందిన ప్రముఖ స్టార్‌ హీరో శివకార్తికేయన్‌ ప్రధాన పాత్రలో నటించిన మూవీ 'ప్రిన్స్‌'. దీపావళి కానుకగా అక్టోబర్‌ 21న తెలుగు, తమిళ భాషల్లో థియేటర్లలో విడుదలైన ఈ సినిమా ఆశించిన స్థాయిలో మాత్రం ఆడలేదు. ఉక్రేనియన్‌ నటి మరియా.. శివకార్తికేయన్‌కు జోడీగా నటించింది. ఈ మూవీలో సత్యరాజ్‌ కీలక పాత్రలో నటించారు. యువ దర్శకుడు అనుదీప్‌ ఈ మూవీని తెరకెక్కించారు. ఈ సినిమా స్ట్రీమింగ్ హక్కులను డిస్నీ ప్లస్ హాట్ స్టార్ సొంతం చేసుకుంది. నవంబర్‌ 25 నుండి హాట్‌స్టార్‌లో 'ప్రిన్స్‌' సినిమా స్ట్రీమింగ్‌ కానుంది.

సునీల్ నారంగ్,సురేశ్ బాబు, రామ్మోహన్ రావు ఈ సినిమాను నిర్మించారు. ఎస్‌ఎస్‌ థమన్‌ ఈ మూవీకి మ్యూజిక్‌ అందించాడు. 'జాతిరత్నాలు' హిట్‌ డైరెక్టర్ అనుదీప్‌ నుంచి వచ్చిన సినిమా కావడంతో.. 'ప్రిన్స్'పై అంచనాలు పెరిగాయి. ఇక అనుదీప్ సైతం తాను నమ్ముకున్న కామెడీ ఆధారంగానే ఈ సినిమాను రూపొందించాడు. అయితే సినిమాలో కామెడీ ఆశించిన స్థాయిలో రాలేదు. దీంతో కలెక్షన్లు కూడా ఈ మూవీ ఎక్కువగా రాబట్టలేకపోయింది. మరి ఓటీటీ ఫ్లాట్ ఫామ్ నుంచి ఈ సినిమా ఎలాంటి రెస్పాన్స్ ను రాబడుతుందనేది చూడాల్సి ఉంది..