'నిజాలు తెలుసుకోండి'.. ఆ రూమర్స్‌పై స్పందించిన హీరోయిన్‌

తమిళ సినీ ఇండస్ట్రీలో తనకంటూ ప్రత్యేక గుర్తింపును తెచ్చుకుంది హీరోయిన్‌ నివేదా పేతురాజ్. అయితే ఇటీవల ఓ రాజకీయ నాయకుడు నివేదా కోసం డబ్బు ఖర్చు పెడుతున్నాడనే పుకార్లు వచ్చాయి. అయితే ఇటీవలి వార్తలకు వ్యతిరేకంగా నటి నివేదా పేతురాజ్ సోషల్ మీడియా వేదికగా స్పందించారు. పుకార్ల ప్రకారం, ఒక ప్రముఖ రాజకీయ నాయకుడు ఆమె కోసం డబ్బు ఖర్చు చేస్తున్నాడు. సోషల్ మీడియాలో చక్కర్లు కొడుతున్న పుకార్లపై ఇప్పుడు మెయిన్ స్ట్రీమ్ మీడియా సైట్లు రిపోర్ట్ చేయడంతో ఆమె స్పందించింది.

“ఇటీవల నా కోసం డబ్బు విచ్చలవిడిగా ఖర్చు పెడుతున్నారంటూ తప్పుడు వార్తలు ప్రచారంలోకి వచ్చాయి. నేను మౌనంగా ఉన్నాను ఎందుకంటే దీని గురించి మాట్లాడే వ్యక్తులు ఒక అమ్మాయి జీవితాన్ని బుద్ధిహీనంగా పాడు చేసే ముందు వారు అందుకున్న సమాచారాన్ని ధృవీకరించడానికి కొంత మానవత్వం కలిగి ఉంటారని నేను భావించాను. కొన్ని రోజులుగా నేను, మా కుటుంబం తీవ్ర ఒత్తిడిలో ఉన్నాం. దయచేసి ఇలాంటి తప్పుడు వార్తలను ప్రచారం చేసే ముందు ఆలోచించండి” అని రాసింది.

తమిళనాడుకు చెందిన ఓ టాప్ పొలిటీషియన్ ప్రభావం వల్లే ఆమెకు సినిమా ఆఫర్లు వచ్చినట్లు వార్తలు వచ్చాయి. ఆమె విలాసవంతమైన జీవనశైలిని కొనసాగిస్తున్నందున ఆమెకు ఆర్థిక సహాయం అందుతున్నట్లు పుకార్లు వచ్చాయి. అయితే ఈ ఊహాగానాలన్నీ తప్పని ఆమె అన్నారు. “నన్ను మీ సినిమాల్లోకి తీసుకోవాలని లేదా సినిమా అవకాశాలు ఇప్పించమని నేను ఏ నిర్మాతను, దర్శకుడిని లేదా హీరోని ఎప్పుడూ అడగలేదు. నేను 20కి పైగా సినిమాలు చేశాను, అవన్నీ నాకు దొరికాయి. నేను ఎప్పుడూ పని లేదా డబ్బు కోసం అత్యాశతో ఉండను. నా గురించి ఇప్పటివరకు మాట్లాడిన సమాచారం ఏదీ నిజం కాదని నేను ధృవీకరించగలను” అని ఆమె అన్నారు.

''కొందరు నాపై సత్యదూర ఆరోపణలు చేస్తున్నారు. నాకు డబ్బులు ఇచ్చారని, ఇల్లు కొనుక్కున్నానని అంటున్నారు. ఓ అమ్మాయిపై ఇలా నిరాధారమైన వ్యాఖ్యలు చేయడం చాలా దారుణం. ఇలా మాట్లాడేటప్పుడు ఆమె జీవితం ఏమవుతుందనే విషయాన్ని కాస్త ఆలోచించాలి. ఇలాంటి పరిస్థితుల నడుమ నాకు సహకరిస్తున్న ప్రతి ఒక్కరికీ కృతజ్ఞతలు'' అని పేర్కొన్నారు. తమిళంలో ‘ఒరునాల్‌ కూత్తు’, ‘తిమిరు పిడిచ్చవన్‌’, ఉదయనిధితో ‘పొదువాగ ఎన్‌ మనసుతంగం’, తెలుగులో ‘అలవైకుంఠపురములో’, ‘విరాటపర్వం’ వంటి పలు చిత్రాల్లో నటించారు.