19న 'చెక్' పెట్టనున్న నితిన్
Nithiin Check movie release date out.టాలీవుడ్ యంగ్ హీరో నితిన్ నటిస్తున్న తాజా చిత్రం 'చెక్' విడుదల తేదీని ప్రకటించారు.
By తోట వంశీ కుమార్
టాలీవుడ్ యంగ్ హీరో నితిన్ నటిస్తున్న తాజా చిత్రం చెక్. క్రియేటివ్ డైరెక్టర్ చంద్రశేఖర్ ఏలేటి దర్శకత్వంలో తెరకెక్కుతున్న ఈ యాక్షన్ థ్రిలర్ల్ చిత్రం విడుదల తేదీని ప్రకటించారు. ఫిబ్రవరి 19న 'చెక్' ప్రేక్షకుల ముందుకు రానుందని పోస్టర్ ద్వారా హీరో నితిన్ ట్వీట్ చేశాడు. ఈ చిత్రంలో రకుల్ ప్రీత్ సింగ్, ప్రియా ప్రకాష్ వారియర్ కథానాయికలుగా నటించారు. ఇప్పటికే విడుదలైన ప్రచార చిత్రాలు సినిమాపై ఆసక్తిని కలిగించాయి. ఈ సినిమాలో నితిన్ ఖైదీగా కనిపిస్తుండటం కూడ సినిమాపై ఆసక్తిని పెంచుతోంది.
The wait is over! #Check♟️ is coming to you on February 19th. 😎
— nithiin (@actor_nithiin) January 22, 2021
#CheckOnFeb19th@yeletics @Rakulpreet #PriyaPrakashVarrier @kalyanimalik31 @BhavyaCreations @adityamusic pic.twitter.com/uIq4IsGoiZ
అయితే ఈ చిత్రాన్ని ఓటీటీ ఫ్లాట్ ఫార్మ్స్ లో రిలీజ్ చేస్తారని ఈ మధ్య రూమర్స్ వినిపించాయి. తాజాగా మేకర్స్ 'చెక్' సినిమాని థియేట్రికల్ రిలీజ్ చేస్తున్నట్లు ప్రకటించి వీటికి చెక్ పెట్టారు. జైలు నేపథ్యంలో ఉరిశిక్ష పడిన ఓ ఖైదీ చెస్ గేమ్ ద్వారా అనుకున్న లక్ష్యాన్ని ఎలా చేరుకున్నాడనేది ఈ చిత్ర ప్రధాన కథాంశం. ఆధ్యంతం ఆసక్తికరంగా ప్రేక్షకులకు కొత్త అనుభూతిని కలిగించే కాన్సెప్ట్ తో ఈ సినిమా రూపొందిందని చిత్ర యూనిట్ తెలిపింది. నితిన్ నటించిన 'రంగ్ దే' చిత్రాన్ని మార్చి 26న విడుదల చేయనున్నట్టు ఇటీవల అధికారికంగా ప్రకటించిన విషయం తెలిసిందే.