లైగర్ నుంచి మైక్ టైసన్ ఫస్ట్ లుక్ విడుదల
Mike Tyson First Look from Liger movie released.విజ‌య్‌దేవ‌ర‌కొండ న‌టిస్తున్న తాజా చిత్రం లైగర్. పూరీ జ‌గ‌న్నాథ్
By తోట వంశీ కుమార్‌
విజ‌య్‌దేవ‌ర‌కొండ న‌టిస్తున్న తాజా చిత్రం 'లైగర్'. పూరీ జ‌గ‌న్నాథ్ ద‌ర్శ‌క‌త్వంలో తెర‌కెక్కుతున్న ఈ చిత్రంలో విజ‌య్‌దేవ‌ర‌కొండ స‌ర‌స‌న అనన్య పాండే న‌టిస్తోంది. ఛార్మీ కౌర్, కరణ్ జోహర్, అపూర్వ మెహతా ఈ చిత్రాన్ని సంయుక్తంగా నిర్మిస్తున్నారు. ప్రపంచ హెవీవెయిట్ బాక్సింగ్ మాజీ ఛాంపియన్ మైక్ టైసన్ ఈ చిత్రంలో ఓ కీలక పాత్రను పోషిస్తున్నారు. దీపావ‌ళి సంద‌ర్భంగా ఈ విష‌యాన్ని చిత్ర బృందం తెలిపింది. ఈ క్రమంలో మైక్ టైసన్ కు సంబంధించిన ఫస్ట్ లుక్‌ను చిత్ర బృందం సోష‌ల్ మీడియా వేదిక‌గా విడుదల చేసింది.
మైక్ టైసన్ లుక్ విడుదల చేస్తూ దీపావ‌ళి శుభాకాంక్ష‌లు తెలియ‌జేసింది చిత్ర బృందం. ఈ పోస్టర్‌ లో మైక్ టైసన్ చాలా భయంకరంగా కనిపిస్తున్నాడు. ఈ అప్‌డేట్ విజ‌య్‌దేవ‌ర‌కొండ అభిమానుల్లో కొత్త ఉత్సాహాన్ని నింపింది. యాక్షన్ సన్నివేశాల‌ను థాయిలాండ్ కు చెందిన స్టంట్ డైరెక్టర్ కెచ్చా కంపోజ్ చేస్తుండ‌గా.. రమ్యకృష్ణ, రోనిత్ రాయ్ లు కీలక పాత్ర‌ల్లో న‌టిస్తున్నారు. హిందీ, తెలుగు, తమిళ, కన్నడ, మలయాళీ భాషల్లో ఈ చిత్రం రూపుదిద్దుకుంటోంది.
