చిరంజీవి 154వ మూవీ టీజర్‌కు ముహూర్తం ఫిక్స్..?

రీ ఎంట్రీ త‌రువాత మెగాస్టార్ చిరంజీవి వ‌రుస చిత్రాల‌ను చేస్తూ పుల్ బిజీగా ఉన్నారు. ద‌స‌రా పండుగ సంద‌ర్భంగా ఆయ‌న న‌టించిన 'గాడ్ ఫాద‌ర్' చిత్రం ప్రేక్ష‌కుల ముందుకు వ‌చ్చింది. మోహ‌న్ రాజా ద‌ర్శ‌క‌త్వంలో తెర‌కెక్కిన ఈ చిత్రం తొలి ఆట నుంచే పాజిటివ్ టాక్‌తో దూసుకుపోతుంది. మొద‌టి రోజునే ఈ చిత్రం భారీ వ‌సూళ్ల‌ను రాబ‌ట్టింది. మెగాస్టార్ త‌న ఇమేజ్‌కు భిన్నంగా చేసిన ఈ ప్ర‌మోగం ఫ‌లించింద‌నే చెప్పాలి.

ఇదిలా ఉంటే చిరంజీవి.. ప్రస్తుతం మూడు చిత్రాల‌ను సెట్స్ పైన ఉంచారు. అందులో బాబి దర్శకత్వంలో తెరకెక్కుతున్న చిత్రం ఒక‌టి. ఇప్ప‌టికే ఓ షెడ్యూల్‌ను కూడా పూర్తి చేసుకుంది. ఇప్ప‌టికే విడుద‌లైన ప్రీ లుక్ పోస్ట‌ర్‌లు సినిమాపై విప‌రీత‌మైన అంచ‌నాలు క్రియేట్ చేశాయి. మైత్రీ మూవీ మేకర్స్ సంస్థ ఈ చిత్రాన్ని నిర్మిస్తోంది. గ్యాంగ్ లీడ‌ర్ త‌ర‌హ‌ మాస్ యాక్ష‌న్‌గా చిరు పాత్ర ఉంటుంద‌ని టాక్. ఈ చిత్రానికి 'వాల్తేరు వీర‌య్య' అనే టైటిల్‌ను ఖ‌రారు చేయ‌నున్నార‌నే ప్ర‌చారం న‌డుస్తోంది. అయితే.. ఇప్ప‌టి వ‌ర‌కు చిత్ర బృందం నుంచి పేరుపై ఎలాంటి ప్ర‌క‌ట‌న విడుద‌ల కాలేదు.

ఓ వార్త ప్ర‌స్తుతం నెటింట హ‌ల్ చ‌ల్ చేస్తోంది. దీపావ‌ళికి చిత్ర పేరుతో ఫ‌స్ట్ గ్లింప్స్‌ను గానీ టీజ‌ర్‌ను గానీ విడుద‌ల చేయ‌నున్నార‌ని ఆ వార్త సారాంశం. త్వ‌ర‌లోనే దీనిపై అధికారిక ప్ర‌క‌ట‌న వ‌చ్చే అవకాశం ఉంది. శృతిహాస‌న్ క‌థానాయిక‌గా న‌టిస్తున్న ఈ చిత్రంలో ర‌వితేజ పోలీస్ ఓ కీల‌క పాత్ర‌లో క‌నిపించ‌నున్నాడు.