మంచు విష్ణుకు కృతజ్ఞతలు తెలిపిన మనోజ్

తేజ సజ్జ, మంచు మనోజ్ నటించిన సినిమా 'మిరాయ్'. కార్తీక్ ఘట్టమనేని దర్శకత్వంలో ఈ సినిమా తెరకెక్కింది. ఈ చిత్రంలో మంచు మనోజ్ 'బ్లాక్‌స్వోర్డ్' అనే శక్తివంతమైన విలన్ పాత్రలో కనిపించారు.

మిరాయ్ విడుదల సందర్భంగా ప్రముఖ హీరో మంచు విష్ణు చిత్ర బృందానికి శుభాకాంక్షలు తెలిపారు. ఈ సినిమా విజయం అందుకోవాలని కోరుకుంటున్నట్టు తెలిపారు. దీనిపై నటుడు మంచు మనోజ్ స్పందించారు. తన అన్నకు సోషల్ మీడియా వేదికగా రిప్లయ్ ఇచ్చారు. థాంక్యూ సో మచ్ అన్నా... టీమ్ మిరాయ్ అలియాస్ బ్లాక్ స్వోర్డ్ నుంచి ధన్యవాదాలు అంటూ మంచు మనోజ్ ట్వీట్ చేశారు. ఈ సినిమాలో రితికా నాయక్, శ్రియా శరన్, జగపతి బాబు వంటి ప్రముఖ నటీనటులు ఇతర ముఖ్య పాత్రల్లో నటించారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, కృతి ప్రసాద్ ఈ చిత్రాన్ని నిర్మించగా, గౌర హరి సంగీతం అందించారు.