'సర్కారువారి పాట' @100 డేస్

సూప‌ర్ స్టార్ మ‌హేష్ బాబు, కీర్తి సురేశ్ జంటగా న‌టించిన చిత్రం 'స‌ర్కారు వారి పాట‌'. ప‌ర‌శురామ్ ద‌ర్శ‌క‌త్వంలో తెర‌కెక్కిన ఈ చిత్రాన్ని మైత్రీ మూవీస్‌, 14 రీల్స్ సంస్థలు సంయుక్తంగా నిర్మించాయి. మే 12న ప్రేక్ష‌కుల ముందుకు వ‌చ్చిన ఈ చిత్రం మిక్డ్స్ టాక్ తెచ్చుకున్న‌ప్ప‌టికీ క‌లెక్ష‌న్ల‌లో జోరు చూపించింది. మ‌హేష్ బాబు క్యారెక్ట‌రైజేష‌న్‌, స‌ముద్ర‌ఖ‌ని విల‌నిజంతో పాటు థ‌మ‌న్ సంగీతం సినిమాని నిల‌బెట్టాయి. మ‌హేష్ కెరీర్‌లోనే హైయెస్ట్ ఓపెనింగ్స్ సాధించిన చిత్రంగా నిలిచింది.

నేటితో ఈ చిత్రం విడుద‌లై 100 రోజులైంది. పల్నాడు జిల్లా చిలకలూరిపేట, విశాఖ జిల్లా గోపాలపట్నంలో రోజుకి 4 ఆటలతో ప్రదర్శితమవుతూ వంద రోజులు పూర్తి చేసుకుంది. ఈ విష‌యాన్ని తెలియ‌జేస్తూ చిత్ర బృందం స్పెష‌ల్ పోస్ట‌ర్ ని విడుద‌ల చేసింది. 'స‌రిలేరు నీకెవ్వ‌రు' త‌ర్వాత దాదాపు రెండున్న‌రేళ్ళకు విడుద‌లైన ఈ చిత్రం మ‌హేష్ బాబు అభిమానుల‌కు పుల్ మీల్స్ అందించింది. ప్ర‌స్తుతం ఈ చిత్రం అమెజాన్ ప్రైమ్‌లో అందుబాటులో ఉంది.