నాగార్జున‌కు జోడీగా కాజ‌ల్ ఫిక్స్‌‌

Kajal Agarwal Romance with Nagarjuna.ఈ చిత్రంలో నాగ్ స‌ర‌స‌న కాజ‌ల్ న‌టిస్తోంది.

By తోట‌ వంశీ కుమార్‌  Published on  18 March 2021 8:02 AM GMT
Kajal Agarwal Romance with Nagarjuna

కింగ్ నాగార్జున వేగంగా చిత్రాల‌ను చేస్తున్నాడు. క‌రోనా విరామం త‌రువాత వ‌రుస‌గా సినిమాల‌ను అంగీక‌రిస్తున్నాడు. ఇప్ప‌టికే ఆయ‌న న‌టించిన వైల్డ్ డాగ్ చిత్రం విడుద‌లకు సిద్దంగా ఉంది. ఈ చిత్రం త‌రువాత నాగార్జున గ‌రుడవేగ ఫేమ్ ప్ర‌వీణ్ స‌త్తారు ద‌ర్శ‌క‌త్వంలో ఓ సినిమాలో న‌టించ‌నున్నాడు. యాక్ష‌న్ థ్రిల్ల‌ర్‌గా తెర‌కెక్క‌నున్న ఈ చిత్రంలో ఓ ప్రైవేట్ డిటెక్టివ్ పాత్ర‌లో నాగార్జున క‌నిపించ‌నున్నాడు. ఇందులో నాగార్జున చెల్లిగా మిస్‌ ఇండియా టైటిల్‌ విన్నర్‌ గుల్‌ పనాగ్‌ నటిస్తోంది. మేనకోడలి పాత్రలో మలయాళీ నటి అనిఖ నటిస్తోంది.

ఇక ఈ చిత్రంలో నాగ్ స‌ర‌స‌న కాజ‌ల్ న‌టిస్తోంది. తాజాగా దీనికి సంబంధించిన అఫీషియ‌ల్ అనౌన్స్‌మెంట్ వ‌చ్చింది. ప్ర‌వీణ్ స‌త్తారు - నాగార్జున కాంబినేష‌న్‌లో రూపొంద‌నున్న యాక్ష‌న్ థ్రిల్ల‌ర్‌లోకి కాజ‌ల్‌ను స్వాగ‌తిస్తున్నాం అని మేక‌ర్స్ అనౌన్స్ చేశారు. ప్ర‌స్తుతం ఈ చిత్ర షూటింగ్ గోవాలో జ‌రుగుతుండ‌గా.. హైద‌రాబాద్ షెడ్యూల్ స‌మ‌యానికి టీంతో జ‌త‌క‌ట్ట‌నుంది కాజ‌ల్. పాన్ ఇండియా మూవీగా ఈ చిత్రం తెర‌కెక్క‌నుంది. ఇదిలా ఉంటే.. కాజ‌ల్ న‌టించిన మోస‌గాళ్లు చిత్రం మార్చి 19న విడుద‌ల కానుండ‌గా.. ప్ర‌స్తుతం ఈ సినిమా ప్రమోష‌న్ కార్య‌క్ర‌మాల‌లో పాల్గొంటుంది. మరోవైపు చిరంజీవి స‌ర‌స‌న ఆచార్య అనే సినిమాలో క‌థానాయిక‌గా న‌టిస్తుంది కాజ‌ల్‌.




Next Story
Share it