స్టార్‌ హీరో విడాకులు.. భార్య షాకింగ్‌ కామెంట్స్‌

నటుడు జయం రవి తన భార్య ఆర్తితో పెళ్లి రద్దు ప్రకటన చేసిన విషయం తెలిసిందే. ఈ క్రమంలోనే ఆర్తి తమ పెళ్లి రద్దు ప్రకటనపై మౌనం వీడారు. తమ విడాకుల గురించి రవి చేసిన ప్రకటనకు సంబంధించి ఆమె వివరణాత్మక ప్రకటనను పంచుకున్నారు. తనకు తెలియకుండా, సమ్మతి లేకుండా ప్రకటన చేశారని ఆమె తన ప్రకటనలో పేర్కొన్నారు. తమ సంబంధానికి సంబంధించి రవితో ఓపెన్‌గా మాట్లాడాటానికి తాను ప్రయత్నిస్తున్నానని, అయితే ఆమె ప్రయత్నాలు ఫలించలేదని ఆమె చెప్పారు.

రవి తనతో విడిపోవడాన్ని గురించి మాట్లాడినప్పటి నుండి తనపై విద్వేషకపూర దాడులు జరుగుతున్నందున తాను మాట్లాడవలసి వచ్చిందని ఆర్తి తెలిపింది . తన ఇద్దరు కుమారులు ఆరవ్, అయాన్‌ల శ్రేయస్సుపైనే తన దృష్టి ఇప్పుడు ఉందని ఆమె పేర్కొంది. "నాకు తెలియకుండా లేదా సమ్మతి లేకుండా జరిగిన మా వివాహం రద్దు ప్రకటనతో నేను తీవ్ర దిగ్భ్రాంతిని గురయ్యాను, బాధపడ్డాను" అని అన్నారు. పెళ్లి రద్దు ప్రకటనతో తాను, తన ఇద్దరు పిల్లలు కళ్ళుమూసుకున్నారని, రవితో మాట్లాడే అవకాశం ఇవ్వలేదని ఆర్తి పేర్కొన్నారు.

"ఇది కలిగించిన బాధ ఉన్నప్పటికీ, నేను ఇప్పటి వరకు గౌరవప్రదంగా ఉండటాన్ని ఎంచుకున్నాను. పబ్లిక్ కామెంట్‌లకు దూరంగా ఉన్నాను. అన్యాయంగా నాపై నిందలు వేసి, నా పాత్రను దాడులకు గురిచేసిన తప్పుడు బహిరంగ కథనాన్ని భరించడం చాలా కష్టం. ఒక తల్లిగా, నా మొదటి ప్రాధాన్యత, ఎల్లప్పుడూ నా పిల్లల శ్రేయస్సు, ” అని ఆర్తి పేర్కొన్నారు.

సెప్టెంబర్ 9న, జయం రవి తన సోషల్ మీడియాలో 'ఆర్తితో తన వివాహం రద్దు' గురించి తన నిర్ణయాన్ని ప్రకటించారు. ఇది వారి అభిమానులకు పెద్ద షాక్‌గా మారింది. వీరిద్దరూ విడిపోయారనే వార్తలు గత కొన్ని నెలలుగా సోషల్ మీడియాలో హల్‌చల్ చేస్తున్నాయి. ఆర్తి ఈ ఏడాది ప్రారంభంలో తన ఇన్‌స్టాగ్రామ్ పేజీ నుండి అతనితో ఉన్న ఫోటోలను తొలగించింది. జయం రవి, ఆర్తి వివాహమై 15 ఏళ్లు అవుతోంది. వారు జూన్ 2009 లో ప్రేమించి వివాహం చేసుకున్నారు. ఇద్దరు కొడుకులకు తల్లిదండ్రులు.