'ఇష్క్' రిలీజ్ డేట్ ఫిక్స్

యంగ్ హీరో తేజ స‌జ్జా మ‌ల‌యాళ భామ ప్రియా ప్ర‌కాష్ వారియ‌ర్ జంట‌గా న‌టిస్తున్న చిత్రం 'ఇష్క్‌'. 'నాట్ ఎ ల‌వ్ స్టోరీ' అనేది ట్యాగ్‌లైన్‌. య‌స్‌.య‌స్ రాజు ద‌ర్శ‌క‌త్వంలో ఈ చిత్రం తెర‌కెక్కుతోంది. మెగా సూప‌ర్ గుడ్ ఫిలిమ్స్ ప‌తాకంపై ఆర్‌.బి.చౌద‌రి స‌మ‌ర్ప‌ణ‌లో ఎన్వీప్ర‌సాద్‌-పార‌స్‌జైన్‌-వాకాడ అంజ‌న్ కుమార్ సంయుక్తంగా ఈ చిత్రాన్ని నిర్మిస్తున్నారు. ఇప్ప‌టి వ‌ర‌కు విడుద‌లైన ఫ‌స్టులుక్, పోస్ట‌ర్స్ సినిమాపై అంచాన‌ల‌ను పెంచాయి. తాజాగా ఉగాదిని పుర‌స్క‌రించుకుని ఈ చిత్ర విడుద‌ల తేదీతో పాటు ఓ కొత్త పోస్ట‌ర్‌ను విడుద‌ల చేసింది చిత్ర‌బృందం.

ఏప్రిల్ 23న ఈ చిత్రాన్ని విడుద‌ల చేయ‌నున్న‌ట్లు ప్ర‌క‌టించారు. రిలీజ్ డేట్ అనౌన్స్ మెంట్ సందర్భంగా వదిలిన పోస్టర్ ఆకట్టుకుంటోంది. తేజ సజ్జా - ప్రియా ప్రకాశ్ వారియర్ వేరు వేరు తలుపుల నుండి బయటకు వస్తుండగా మధ్యలో ఒక కారు ఉండేలా ఈ పోస్టర్ ని డిజైన్ చేశారు. ఇదిలా ఉంటే.. న్యాచుర‌ల్ స్టార్ నాని న‌టించిన‌ 'ట‌క్ జ‌గ‌దీష్' ఏప్రిల్ 23న విడుద‌ల కావాల్సి ఉండ‌గా..కోవిడ్ సెకండ్ వేవ్ కార‌ణంగా వాయిదా ప‌డ్డ‌ది. ఇదే తేదీన తేజ స‌జ్జ 'ఇష్క్' చిత్రం విడుద‌ల కాబోతుంది.