ఆ ఫ్రాంఛైజీలో బాలకృష్ణ చేయబోతున్నారా?

పద్మభూషణ్ నందమూరి బాలకృష్ణ సెకండ్ ఇన్నింగ్స్ లో వరుస హిట్స్ ను అందుకుంటూ దూసుకుపోతున్నారు. డాకూ మహారాజ్ సినిమా ద్వారా సంక్రాంతికి హిట్ అందుకున్న బాలయ్య.. ప్రస్తుతం అఖండ-2 చేస్తున్నారు. ఇక టాలీవుడ్ లో సక్సెస్ ఫుల్ ఫ్రాంచైజీలలో HIT కూడా ఒకటి. HIT (హొమిసైడ్ ఇంటర్వెన్షన్ టీమ్) ఫ్రాంచైజ్ నాని నిర్మించగా.. శైలేష్ కొలను దర్శకత్వం వహించాడు. ఇప్పటికే రెండు భాగాలు బాక్సాఫీస్ వద్ద మంచి హిట్ అయ్యాయి. మూడో భాగంలో నాని హీరోగా చేస్తున్నారు.

బాలకృష్ణ HIT ఫ్రాంచైజీలోకి ప్రవేశించడానికి సిద్ధంగా ఉన్నారని పరిశ్రమ అంతర్గత నివేదికలు చెబుతున్నాయి. HIT యూనివర్స్ మొదటి మరియు రెండవ భాగాలు బాక్సాఫీస్ వద్ద విజయవంతమయ్యాయి. ఇప్పుడు నేచురల్ స్టార్ నాని హీరోగా నటిస్తుండగా, శ్రీనిధి శెట్టి కథానాయికగా నటిస్తున్న మూడో భాగం షూటింగ్ జరుగుతోంది. ఈ చిత్రాన్ని మే 1న విడుదల చేయనున్నట్లు ప్రకటించారు. HIT 2 క్లైమాక్స్‌ లో నాని అతిధి పాత్రతో HIT 3కి లింక్‌ ఉంటుంది. ఇప్పుడు అదే రకమైన ముగింపు HIT 3 లో కూడా ఉంటుంది. అక్కడ క్లైమాక్స్‌లో తదుపరి భాగం హీరోకి లింక్ ఉంటుంది. బాలకృష్ణతో ఆ పాత్రను చేయించడానికి చర్చలు జరుపుతున్నట్లు వార్తలు వచ్చాయి. HIT సిరీస్ లో హీరోలు ఎంతో కోపంతో దూకుడుగా వ్యవహరిస్తూ ఉంటారు. అలాంటి పాత్రను బాలయ్యతో చేయిస్తే క్లైమాక్స్ కు సరికొత్త హైప్ వచ్చినట్లే!!