నాని 'టక్ జగదీష్' నుంచి రొమాంటిక్ లిరిక‌ల్ సాంగ్ విడుదల
Inkosaari Inkosaari Lyrical song released from tuck jagadish.పక్కింటి కుర్రాడిలా కనిపించే నాని తన నటనతో ప్రేక్షకులను
By తోట వంశీ కుమార్‌ Published on 13 Feb 2021 10:44 AM IST
పక్కింటి కుర్రాడిలా కనిపించే నాని తన నటనతో ప్రేక్షకులను కట్టి పడేస్తాడు. అసిస్టెంట్ డైరెక్టర్ గా కెరీర్ మొదలు పెట్టి న్యాచుర‌ల్ స్టార్‌గా ఎదిగాడు. 2020 లో నాని " వి" సినిమాతో ప్రేక్షకుల ముందుకు వచ్చాడు. లాక్ డౌన్ వేళ ఓటీటీ లో విడుదల అయిన ఈ సినిమా అభిమానులను నిరాశపరిచింది. ఇక ప్రస్తుతం నాని నటిస్తున్న సినిమా "టక్ జగదీష్". ఈ సినిమాకు శివ నిర్వాణ దర్శకత్వం వహిస్తున్నారు. సినిమాలో రీతూ వర్మ, ఐశ్వర్య రాజేష్ నానికి సరసన నటిస్తున్నారు.
తాజాగా ఈ చిత్రం నుంచి రొమాంటిక్ లిరిక‌ల్ సాంగ్ ను విడుదల చేశారు. "ఇంకోసారి ఇంకోసారి" అంటూ నాని రీతూ వ‌ర్మ‌ల‌పై సాగే ఈ పాట ఆక‌ట్టుకుంటోంది. ఈ పాట‌ను శ్రేయా గోష‌ల్, కాల‌బైర‌వ ఆల‌పించ‌గా.. త‌మ‌న్ సంగీతాన్ని అందించాడు. ఈ మూవీని షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది నిర్మిస్తున్నారు. 'నిన్నుకోరి` వంటి బ్లాక్‌బ‌స్ట‌ర్ మూవీ త‌ర్వాత నాని, శివ నిర్వాణ కాంబినేష‌న్‌లో ఈ చిత్రంపై అభిమానుల్లో భారీ అంచ‌నాలే ఉన్నాయి. ఇప్ప‌టికే విడుద‌లైన చిత్ర అప్‌డేట్‌తో సినిమాపై అంచనాల‌ను పెంచేసింది చిత్ర బృందం. ఏప్రిల్ 16న ప్రేక్షకుల ముందుకు ఈ చిత్రం రానుంది. ఇంకెందుకు ఆల‌స్యం ఈ పాట‌ను మీరు ఓసారి వినేయండి.
