మంచు మ‌నోజ్‌కు షాకిచ్చిన ట్రాఫిక్ పోలీసులు.. రూ.700 జ‌రిమానా

నిబంధ‌న‌లు అతిక్ర‌మిస్తే సామాన్యుల నుంచి సెల‌బ్రెటీల వ‌ర‌కు త‌మ‌కు ఎవ‌రైనా ఒక‌టేన‌ని అంటున్నారు హైద‌రాబాద్ ట్రాఫిక్ పోలీసులు. ఈ క్ర‌మంలో టాలీవుడ్ యంగ్ హీరో మంచు మ‌నోజ్‌కు ట్రాఫిక్ పోలీసులు షాకిచ్చారు. హైద‌రాబాద్‌లోని టోలిచౌకిలో ట్రాఫిక్ పోలీసులు త‌నిఖీలు నిర్వ‌హిస్తున్నారు. ఈ క్ర‌మంలో మంచు మ‌నోజ్ కారు(ఏపీ 39HY 0319) ను ఆపారు. మంచు మ‌నోజ్ కారుకు బ్లాక్ ఫిల్మ్ ఉండ‌డంతో దాన్ని తొల‌గించారు. నిబంధ‌న‌లు ఉల్లంగించినందుకు రూ.700 జ‌రిమానా విధించారు. కాగా.. ఆ స‌మ‌యంలో కారులో మంచు మ‌నోజ్ ఉన్నారు. ఆయ‌న పోలీసుల విధి నిర్వ‌హ‌ణ‌కు స‌హ‌క‌రించార‌ని పోలీసులు తెలిపారు.

కాగా.. వై కాటగిరి భద్రత ఉన్న వ్యక్తులు మినహా ఇతరులెవరూ వాహనాలకు బ్లాక్‌ ఫిలిం ఉపయోగించరాదని ఇటీవల సుప్రీం కోర్టు ఆదేశించిన సంగతి తెలిసిందే. ఈ క్ర‌మంలో ప్రస్తుతం హైదరాబాద్‌ నగరంలో ట్రాఫిక్‌ పోలీసులు త‌నిఖీలు నిర్వహిస్తున్నారు. ఇటీవ‌ల యంగ్ టైగ‌ర్ ఎన్టీఆర్, ఐకానిక్‌ స్టార్‌ అల్లు అర్జున్‌, కల్యాణ్ రామ్ కార్ల‌కు ఉన్న బ్లాక్ ఫిల్మ్‌ల‌ను తొల‌గించ‌డంతో వారికి జ‌రిమానా విధించిన సంగ‌తి తెలిసిందే.