విశ్వదాభిరామ.. ఎఫ్3 సాంగ్స్ హంగామా షురూ రా మామా

విక్ట‌రీ వెంక‌టేష్, మెగా ప్రిన్స్ వ‌రుణ్ తేజ్ హీరోలుగా నటిస్తున్న‌ చిత్రం 'ఎఫ్ 3'. అనిల్ రావిపూడి ద‌ర్శ‌క‌త్వంలో తెర‌కెక్కుతున్న ఈచిత్రాన్ని దిల్‌రాజ్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై శిరీష్ నిర్మిస్తున్నారు. ఈ చిత్రంలో వెంక‌టేష్ స‌ర‌స‌న త‌మ‌న్నా, వ‌రుణ్ తేజ్ స‌ర‌స‌న మెహ‌రీన్‌లు న‌టించారు. సంక్రాంతి కానుక‌గా ఈ చిత్రం ప్రేక్ష‌కుల ముందుకు రావాల్సి ఉండ‌గా.. క‌రోనా మ‌హ‌మ్మారి వ‌ల్ల వాయిదా ప‌డింది. ఈ చిత్రాన్ని ఏప్రిల్ 28న విడుద‌ల చేయ‌నున్న‌ట్లు చిత్ర బృందం ఇంత‌క‌ముందే ప్ర‌క‌టించింది.

ఈ క్ర‌మంలో చిత్ర బృందం ప్ర‌మోష‌న్ కార్య‌క్ర‌మాల‌ను మొదలు పెట్టింది. ఈ చిత్రంలోని మొద‌టి పాట‌ను ఫిబవ‌రి 7వ తేదీన విడుద‌ల చేయ‌నున్న‌ట్లు తెలిపింది. ల‌బ్ డ‌బ్ ల‌బ్ డ‌బ్ డ‌బ్బో.. అంటూ ఈ పాట రిలిక్స్ ఉండ‌నున్న‌ట్లు తెలిపింది. దేవీ శ్రీ ప్ర‌సాద్ సంగీతాన్ని అందిస్తున్న ఈ చిత్రంలో రాజేంద్రప్రసాద్, సునీల్, అంజలి కీల‌క పాత్ర‌ల్లో న‌టిస్తున్నారు. ఈ చిత్ర క‌థ మొత్తం డ‌బ్బు చుట్టే తిర‌గ‌నుంది. ఇక ఈ చిత్రంలో వెంకికీ రేచీక‌టి, వ‌రుణ్ తేజ్ న‌త్తి ఉంటుంద‌ని ద‌ర్శ‌కుడు అనిల్ రావిపూడి ఇప్ప‌టికే రివీల్ చేయ‌డంతో.. సినిమాపై మ‌రిన్ని అంచాన‌లు పెరిగాయి.