'మాచర్ల ధమ్కీ' .. ధర్మాన్ని కాపాడటం కోసం నా సమాధిని పునాదిగా చేస్తా

యంగ్ హీరో నితిన్ న‌టించిన తాజా చిత్రం 'మాచ‌ర్ల నియోజ‌క‌వ‌ర్గం'. ప్ర‌ముఖ ఎడిట‌ర్ ఎంఎస్‌.రాజ‌శేఖ‌ర్ రెడ్డి ద‌ర్శ‌కుడిగా ప‌రిచ‌యం అవుతున్న ఈ చిత్రంలో కృతి శెట్టి, కేథరిన్ థ్రెస్సా క‌థానాయిక‌లుగా న‌టించారు. మహతి స్వరసాగర్ సంగీతం అందిస్తుండగా తమిళ నటుడు సముద్రఖని ఓ కీల‌క పాత్ర‌ను పోషించాడు. ఆగ‌స్టు 12న ఈ చిత్రం ప్ర‌పంచ వ్యాప్తంగా ప్రేక్ష‌కుల ముందుకు రానుంది. ఈ క్ర‌మంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది.

ఇప్ప‌టికే ఈ చిత్రం నుంచి విడుద‌లైన టీజ‌ర్‌, ప్రొమోల‌కు మంచి స్పంద‌న వ‌చ్చింది. ఈ నేప‌థ్యంలో మంగ‌ళ‌వారం యాక్షన్ ధమ్కీ పేరుతో ఓ స్పెషల్ వీడియో గ్లింప్స్‌ను విడుద‌ల చేసింది. 'మహాభారతంలో ధర్మాన్ని కాపాడటం కోసం లక్షలాదిమంది తమ సమాధులను పునాదులుగా వేశారు. మాచర్ల నియోజక వర్గంలో ధర్మాన్ని కాపాడటం కోసం నా సమాధిని పునాదిగా వేయడానికి నేను సిద్ధం' అంటూ ఈ వీడియో సాగింది. ఇక ఈ చిత్ర ట్రైల‌ర్ ను ఈనెల 30న విడుద‌ల చేయ‌నున్న‌ట్లు తెలిపారు.

నితిన్ సొంత నిర్మాణ సంస్థ శ్రేష్ఠ్ మూవీస్ బ్యానర్ పై ఈ సినిమా తెర‌కెక్కింది. 'చెక్', 'రంగ్ దే', 'మాస్ట్రో' చిత్రాలు ఆశించిన ఫ‌లితాలు ఇవ్వ‌క‌పోవ‌డంతో ఈ చిత్రంపై నితిన్ భారీ ఆశ‌ల‌నే పెట్టుకున్నాడు.