కిషన్రెడ్డికి చిరంజీవి విషెస్.. థ్రిల్లింగ్‌గా ఉందని ట్వీట్
Chiranjeevi wishes Union Minister Kishan Reddy.కేంద్ర మంత్రి వ‌ర్గ విస్తరణలో కేంద్ర హోంశాఖ స‌హాయ‌క మంత్రి పదవి
By తోట వంశీ కుమార్‌ Published on 9 July 2021 7:24 AM GMT
కేంద్ర మంత్రి వ‌ర్గ విస్తరణలో కేంద్ర హోంశాఖ స‌హాయ‌క మంత్రి పదవి నుంచి కేబినెట్ మంత్రిగా కిషన్ రెడ్డి పదోన్నతి పొందిన సంగతి తెలిసిందే. మోడీ క్యాబినెట్‌లో కిషన్రెడ్డికి పర్యాటక, సాంస్కృతిక, ఈశాన్య రాష్ట్రాల అభివృద్ధి శాఖలు దక్కాయి. ఈ సందర్భంగా ట్విట‌ర్ వేదిక‌గా మెగాస్టార్ చిరంజీవి కిషన్రెడ్డికి శుభాకాంక్ష‌లు తెలియ‌జేశారు.
మన దేశం యొక్క యోగ్యతలను, ప్రత్యేకతలను ప్రపంచానికి తెలియజేయడానికి కిషన్ రెడ్డికి మంచి అవకాశం లభించిందన్నారు. ఆ అనుభూతిని, అధికారాన్ని అనుభవించినందుకు థ్రిల్లింగ్‌గా ఉందని చిరంజీవి ట్వీట్ చేశారు. కాగా..కాంగ్రెస్‌ ప్రభుత్వంలో చిరంజీవి కేంద్ర పర్యాటక, సాంస్కృతిక మంత్రిగా బాధ్యతలు నిర్వహించిన సంగతి తెలిసిందే.
కిషన్‌రెడ్డి విషయానికి వస్తే.. 2018 చివ‌ర్లో తెలంగాణ అసెంబ్లీ ఎన్నిక‌ల్లో ఎమ్మెల్యేగా పోటీ చేసి ఓడిపోయారు. ఆ త‌రువాత జరిగిన లోక్‌స‌భ ఎన్నిక‌ల్లో విజ‌యం సాధించి.. సికింద్రాబాద్‌ పార్లమెంట్‌ ఎంపీగా కొనసాగుతున్నారు. ఎంపీగా గెలుపొందిన ఆయనకు తొలి ప్రయత్నంలోనే కేంద్ర సహాయ మంత్రి పదవి లభించగా.. తాజాగా జరిగిన మంత్రివర్గ విస్తరణలో ఆయనకు కేబినెట్ బెర్త్‌ దక్కింది.
