చెన్నై ఐలాండ్‌ గ్రౌండ్స్‌లో విజయ్‌కాంత్‌ పార్థివదేహాం.. సాయంత్రం అంత్యక్రియలు

ప్రముఖ నటుడు, రాజకీయవేత్త విజయకాంత్ భౌతికకాయాన్ని డిసెంబర్ 29, శుక్రవారం చెన్నైలోని అన్నాసాలైలోని ఐలాండ్ గ్రౌండ్స్‌కు తీసుకువచ్చారు. ఐలాండ్‌ గ్రౌండ్స్‌లో మధ్యాహ్నం 1 గంటల వరకు విజయ్‌కాంత్‌ భౌతికకాయానికి నివాళులర్పించడం కోసం ఉంచారు. ఐలాండ్ గ్రౌండ్స్ నుండి కోయంబేడులోని దేశీయ ముర్పోక్కు ద్రవిడ కజగం (డిఎండికె) కార్యాలయం వరకు మధ్యాహ్నం 1 గంటలకు అంత్యక్రియల ఊరేగింపు ప్రారంభమవుతుంది. 71 ఏళ్ల నటుడిగా మారిన రాజకీయ నాయకుడు దీర్ఘకాలంగా ఊపిరితిత్తుల వ్యాధితో బాధపడుతూ చెన్నైలోని ఎమ్‌ఐఓటీ ఆసుపత్రిలో గురువారం ఉదయం చనిపోయాడు. అతనికి కోవిడ్‌ పాజిటివ్‌ వచ్చింది.

ఆయన మరణం పార్టీకి, సినీ ప్రపంచానికి మరియు ప్రపంచవ్యాప్తంగా ఉన్న తమిళులకు తీరని లోటు అని పేర్కొంటూ, ఆయన భౌతికకాయాన్ని ప్రజల తుది నివాళులర్పించేందుకు ఐలాండ్ గ్రౌండ్స్‌లో ఉంచుతామని పార్టీ నుండి ఒక పత్రికా ప్రకటన తెలిపింది. అంత్యక్రియల ఊరేగింపు ఐలాండ్ గ్రౌండ్స్ నుండి మధ్యాహ్నం 1 గంటలకు పూనమల్లి రోడ్ మీదుగా ప్రారంభమై డీఎండీకే ప్రధాన కార్యాలయానికి చేరుకుంటుంది, అక్కడ సాయంత్రం 4.45 గంటలకు అతని అంత్యక్రియలు జరుగుతాయి.

పూర్తి ప్రభుత్వ లాంఛనాలతో విజయకాంత్‌ అంత్యక్రియలు నిర్వహించాలని అధికారులను తమిళనాడు సీఎం స్టాలిన్‌ ఆదేశించారు. ''తమిళ ప్రజలు కెప్టెన్‌గా పిలుచుకునే మా ప్రియ మిత్రుడు విజయకాంత్‌ మృతి తమిళనాడుకు, సినీ పరిశ్రమకు తీరని లోటు. ఈ విచారకరమైన పరిస్థితిలో, కెప్టెన్ విజయకాంత్ కుటుంబానికి, సోదరి ప్రేమలత విజయకాంత్‌తో సహా, డిఎండికె వాలంటీర్లు, సినీ పరిశ్రమ, అభిమానులకు నా ప్రగాఢ సానుభూతిని తెలియజేస్తున్నాను. ద్రవిడ మున్నేట్ర కజగం తరపున సంతాపం తెలుపుతున్నా'' అని అన్నారు. విజయకాంత్‌కు నివాళులర్పిస్తూ ఆయన అంతిమ యాత్రకు పూర్తి స్థాయి రాష్ట్ర గౌరవాన్ని అందజేస్తామని సీఎం స్టాలిన్‌ తెలిపారు.