ముగ్గురు హీరోల‌ మూవీకి షాకింగ్ క‌లెక్ష‌న్స్‌..!

"భైరవం" సినిమా గురించి బాగా ప్రచారం చేశారు. ముగ్గురు హీరోలు ఉండడంతో మంచి కలెక్షన్స్ వస్తాయని ఆశించారు. అయితే బాక్సాఫీస్ వద్ద భారీ వసూళ్లను రాబట్టలేకపోయింది. మొదటి రోజు కేవలం తక్కువ కలెక్షన్లను మాత్రమే సాధించింది. ఈ చిత్రం ఆంధ్రప్రదేశ్, తెలంగాణలో రూ. 2. 75 కోట్ల‌ గ్రాస్ కలెక్షన్లను మాత్రమే సాధించిందని ట్రేడ్ వర్గాలు చెబుతున్నాయి. సినిమా బడ్జెట్ 30 కోట్లకు పైగా ఉంది.

బెల్లంకొండ శ్రీనివాస్, నారా రోహిత్, మంచు మనోజ్ స్నేహితులుగా నటించారు. ఈ చిత్రం తమిళ చిత్రం గరుడన్ రీమేక్. తమిళనాడులో బాక్సాఫీస్ దగ్గర మంచి సక్సెస్ అందుకుంది. తమిళ ఒరిజినల్ మాదిరిగా కాకుండా, తెలుగులో భారీ బడ్జెట్‌తో నిర్మించారు. ఈ శని, ఆదివారాల్లో సినిమాకు మంచి కలెక్షన్స్ రావాల్సి ఉంది.