నంద‌మూరి అభిమానుల‌కు శుభ‌వార్త‌.. ఎన్టీఆర్ జ‌యంతి రోజున బాల‌య్య గ‌ర్జ‌న‌

నంద‌మూరి అభిమానులు ఎప్పుడెప్పుడా అని ఎదురుచూస్తున్న రోజు రానే వ‌చ్చేసింది. బాల‌కృష్ణ‌, బోయ‌పాటి శ్రీను కాంబినేష‌న్‌లో తెర‌కెక్కుతున్న BB3 (వర్కింగ్ టైటిల్) అప్‌డేట్ వ‌చ్చేసింది. ఒక షెడ్యూల్ పూర్తి చేసుకున్న ఈ సినిమా షూటింగ్ క‌రోనా మ‌హ‌మ్మారి కార‌ణంగా వాయిదా ప‌డింది. ఇటీవ‌ల ఈ చిత్ర షూటింగ్ ప్రారంభ‌మైంది. గ‌తేడాది బాల‌య్య పుట్టిన రోజు సంద‌ర్భంగా విడుద‌లైన BB3 ఫ‌స్ట్ రోర్ మిన‌హా ఈ సినిమాకు సంబంధించిన ఎలాంటి అప్‌డేట్ విడుద‌ల కాలేదు. గ‌త కొన్ని రోజులుగా టాలీవుడ్‌లో వ‌రుస పెట్టి సినిమా రిలీజ్ డేట్స్ వ‌స్తున్నాయి. మ‌రి బాల‌య్య అప్‌డేట్ ఇంకా ఎప్పుడు వ‌స్తుంద‌ని అభిమానులు గోల చేస్తున్నారు.

ఈ త‌రుణంలో ఆదివారం ఓ అప్‌డేట్ ఇచ్చింది చిత్ర‌బృందం. స్వర్గీయ నందమూరి తారక రామారావు గారి జయంతి నాడు మే 28న ప్రేక్ష‌కుల ముందుకు ఈ చిత్రం రానుంది. ద్వార‌కా క్రియేష‌న్స్ బ్యాన‌ర్‌పై నిర్మిత‌మ‌వుతోన్న ఈ చిత్రానికి మిర్యాల ర‌వీంద‌ర్‌రెడ్డి నిర్మాత‌గా వ్య‌వ‌హ‌రిస్తున్నారు. ఈ చిత్రానికి సంగీతాన్ని త‌మ‌న్ అందిస్తున్నాడు. పూర్ణ‌, ప్ర‌గ్నాజైశ్వాల్‌లు క‌థానాయిక‌లు న‌టిస్తున్న ఈ చిత్రంలో శ్రీకాంత్‌, సునీల్‌శెట్టి ప్ర‌తినాయ‌కులుగా న‌టిస్తున్నారు. ఇక ఈ చిత్రంలో బాల‌య్య అఘోర పాత్ర‌లో క‌నిపించ‌బోతున్నారు. దీంతో ఈ చిత్రంపై అభిమానుల్లో భారీగా అంచ‌నాలు ఉన్నాయి.