అక్కినేని అభిమానుల‌కు పండ‌గే.. బంగార్రాజు నుంచి వ‌రుస అప్‌డేట్స్‌

Bangarraju First look release on November 22nd.అక్కినేని నాగార్జున, ఆయ‌న త‌న‌యుడు నాగ చైత‌న్య‌లు క‌లిసి న‌టిస్తున్న

By తోట‌ వంశీ కుమార్‌  Published on  20 Nov 2021 6:23 AM GMT
అక్కినేని అభిమానుల‌కు పండ‌గే.. బంగార్రాజు నుంచి వ‌రుస అప్‌డేట్స్‌

అక్కినేని నాగార్జున, ఆయ‌న త‌న‌యుడు నాగ చైత‌న్య‌లు క‌లిసి న‌టిస్తున్న చిత్రం 'బంగార్రాజు'. 'సోగ్గాడే చిన్ని నాయ‌నా' చిత్రానికి సీక్వెల్‌గా తెర‌కెక్కుతున్న ఈ చిత్రానికి క‌ళ్యాణ్ కృష్ణ ద‌ర్శ‌క‌త్వం వ‌హిస్తున్నాడు. పుల్ ఫ్యామిలీ ఎంట‌ర్‌టైన‌ర్‌గా రూపుదిద్దుకుంటున్న‌ ఈ చిత్రాన్ని అన్న‌పూర్ణ స్టూడియోస్‌, జీ స్టూడియోస్ బ్యాన‌ర్లు సంయుక్తంగా నిర్మిస్తున్నాయి. శ‌ర‌వేగంగా షూటింగ్ జ‌రుపుకుంటున్న ఈ చిత్రంలో నాగార్జున స‌ర‌స‌న ర‌మ్య‌కృష్ణ న‌టిస్తుండ‌గా.. చైతు కు జోడిగా ఉప్పెన ఫేమ్ కృతి శెట్టి క‌నిపించ‌నుంది. సంక్రాంతి కానుక‌గా చిత్రాన్ని విడుద‌ల చేయాల‌ని చిత్ర బృందం బావిస్తోంది. ఈ నేథ్యంలోనే ప్ర‌మోష‌న‌ల్ కార్య‌క్ర‌మాల్లో వేగం పెంచింది.

మొదటి సింగిల్ 'లడ్డుండా' సంచలన విజయం సాధించింది. కృతిశెట్టి పోషిస్తున్న నాగల‌క్ష్మీ పాత్ర‌కు సంబంధించిన లుక్‌ను రిలీల్ చేశారు. ఈ లుక్‌కు మంచి రెస్పాన్స్ వ‌చ్చింది. ప‌ల్లెటూరి అందం అంతా ఆమెలోనే ఉందా అనిపించింది. ఇక అంద‌రూ బంగార్రాజు ఎలా ఉంటాడా అని ఎదురుచూస్తున్నారు. బంగార్రాజు ఫ‌స్ట్‌లుక్‌ను ఈనెల 22న సాయంత్రం 5.22కి విడుద‌ల చేయ‌నున్నారు. ఇక చైతు పుట్టిన రోజు సంద‌ర్భంగా ఈ నెల 23న ఉద‌యం 10.23 గంట‌ల‌కు ఈ చిత్ర టీజ‌ర్‌ను విడుద‌ల చేయ‌నున్న‌ట్లు చిత్ర‌బృందం వెల్ల‌డించింది. ఈ మేర‌కు సోష‌ల్ మీడియాలో పోస్ట‌ర్‌ను విడుద‌ల చేశారు. వ‌రుస అప్‌డేట్‌ల‌తో అక్కినేని అభిమానులు పుల్ ఖుషీ కానున్నారు.

Next Story
Share it