'అవ‌తార్ 2' ట్రైల‌ర్‌.. విజువల్ వండర్

2009లో జేమ్స్ కామెరాన్ ద‌ర్శ‌క‌త్వంలో వ‌చ్చిన హాలీవుడ్ చిత్రం 'అవ‌తార్' ప్రేక్ష‌కుల‌ను క‌ట్టిప‌టేసింది. 'పండోరా' అంటూ కొత్త ప్ర‌పంచాన్నే చూయించాడు ద‌ర్శ‌కుడు. ఈ చిత్రం విడుద‌లై ప‌ద‌మూడు సంవ‌త్స‌రాలు అవుతున్నా సినీ ప్రియులు ఇంకా ఈ చిత్రాన్ని మ‌రిచిపోలేదు. తాజాగా చిత్ర సీక్వెల్ రాబోతుంది. 160 బాష‌ల్లో డిసెంబ‌ర్ 16న ప్ర‌పంచ వ్యాప్తంగా 'అవతార్​: ది వే ఆఫ్​ వాటర్' విడుద‌ల కాబోతుంది. ఈ విష‌యాన్ని ఇప్ప‌టికే చిత్ర బృందం తెలియ‌జేసింది.

విడుద‌ల స‌మ‌యం ద‌గ్గ‌ర ప‌డుతుండ‌డంతో చిత్ర బృందం ప్ర‌యోష‌న‌ల్ కార్య‌క్ర‌మాల‌ను మొద‌లుపెట్టింది. తాజాగా ఈ చిత్ర ట్రైల‌ర్‌ను విడుద‌ల చేశారు. ట్రైలర్ అదిరిపోయింది. విజువల్ వండర్ అని చెప్పోచ్చు. మ‌ళ్లీ పండోరా ప్ర‌పంచానికి తీసుకువెళ్లాడు ద‌ర్శ‌కుడు. నీటి అడుగున దృశ్యాలు.. సముద్రంపై పండోరా ప్రయాణం.. యుద్ధ దృశ్యాలు మామూలుగా లేవు. సెల్‌ఫోన్లు, ల్యాప్‌టాప్‌ల‌లో చూస్తేనే ఇలా ఉంటే.. రేపు బిగ్ స్క్రీన్ మీద, అందులోనూ 3డీలో చూస్తే ఆ అనుభూతే వేరు అని చెప్ప‌వ‌చ్చు. ఇంకెందుకు ఆల‌స్యం మీరు ఓ సారి చూసేయండి