ఆస‌క్తిక‌రంగా 'అర్జున ఫల్గుణ' ట్రైలర్
Arjuna Phalguna Trailer out.వైవిధ్య‌మైన క‌థ‌ల‌తో ఆక‌ట్టుకున్న యంగ్ హీరో శ్రీ విష్ణు మ‌రో విభిన్న చిత్రంతో ప్రేక్ష‌కుల
By తోట వంశీ కుమార్‌ Published on 24 Dec 2021 8:03 AM GMT
వైవిధ్య‌మైన క‌థ‌ల‌తో ఆక‌ట్టుకున్న యంగ్ హీరో శ్రీ విష్ణు మ‌రో విభిన్న చిత్రంతో ప్రేక్ష‌కుల ముందుకు రాబోతున్నాడు. తేజ‌మ‌ర్ని ద‌ర్శ‌క‌త్వంలో ఆయ‌న న‌టిస్తున్న చిత్రం 'అర్జున ఫాల్గుణ'. చెడుపై మంచి ఎప్పుడూ విజ‌యం సాధిస్తుంద‌నే క‌థాశంతో ఈ చిత్రం తెర‌కెక్కుతోంది. ఈ చిత్రంలో శ్రీ విష్ణు స‌ర‌స‌న అమృతా అయ్య‌ర్ న‌టిస్తోంది. డిసెంబ‌ర్ 31 ఈ చిత్రం ప్రేక్ష‌కుల ముందుకు రానుంది. ఈ క్ర‌మంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది.
నేడు ఈ చిత్ర థియేట్రిక‌ల్ ట్రైలర్ ను ప్ర‌ముఖ ద‌ర్శ‌కుడు కొర‌టాల శివ విడుద‌ల చేశారు. ఈ చిత్రంలో శ్రీ విష్ణు, అత‌డి స్నేహితులు ఎన్టీఆర్ ఫ్యాన్స్‌గా క‌నిపించ‌నున్న‌ట్లు ట్రైలర్ చూస్తుంటే అర్థం అవ‌తుంది. కామెడీ స‌న్నివేశాలతో పాటు యాక్ష‌న్ స‌న్నివేశాలు సినిమాపై అంచ‌నాల‌ను పెంచుతున్నాయి. మ్యాట్నీ ఎంటర్‌టైన్‌మెంట్స్‌ పతాకంపై నిరంజన్‌రెడ్డి, అన్వేష్‌రెడ్డి ఈ చిత్రాన్ని నిర్మిస్తుండ‌గా.. ప్రియదర్శన్ బాలసుబ్రమణియన్ బ్యాక్ గ్రౌండ్ మ్యూజిక్ అందిస్తున్నారు.
