పుష్ప‌: దాక్షాయణిగా అనసూయ లుక్ విడుద‌ల‌.. గుర్తే ప‌ట్ట‌లేదుగా

ఐకాన్ స్టార్ అల్లు అర్జున్ న‌టిస్తున్న తాజా చిత్రం 'పుష్ప‌'. ఎర్ర‌చంద‌నం స్మ‌గ్లింగ్ నేప‌ధ్యంలో తెర‌కెక్కుతున్న ఈచిత్రానికి సుకుమార్ ద‌ర్శ‌క‌త్వం వ‌హిస్తున్నారు. పాన్ ఇండియా మూవీగా రూపుదిద్దుకుంటున్న ఈ చిత్రంలో బ‌న్ని స‌ర‌స‌న ర‌ష్మిక మందాన న‌టిస్తోంది. మ‌ల‌యాళ న‌టుడు ఫ‌హ‌ద్ ఫాసిల్‌, సునీల్‌తో పాటు అందాల భామ యాంక‌ర్ అన‌సూయ ఈ చిత్రంలో కీల‌క పాత్ర‌లో న‌టిస్తున్నారు. ఈ చిత్రంలో అన‌సూయ దాక్షాయ‌ణి పాత్ర‌లో క‌నిపించ‌నుంది. తాజాగా ఈ పాత్ర‌కు సంబంధించిన అన‌సూయ లుక్‌ను చిత్ర బృందం విడుద‌ల చేసింది.

దాక్షాయణినికి అహంకారంతో పాటు గ‌ర్వం ఉంటుంద‌ని తెలుపుతూ చిత్ర బృందం అన‌సూయ లుక్‌ను సోష‌ల్ మీడియాలో విడుద‌ల చేసింది. ఆ లుక్‌ను చూస్తుంటే.. అన‌సూయ పాత్ర చాలా నెగెటివిటీతో ఉంటుంద‌ని తెలుస్తుంది. దాక్షాయ‌ణి లుక్ ఉన్న అన‌సూయ‌ను చూసి ప్ర‌తి ఒక్క‌రు ఆశ్చ‌ర్యపోతున్నారు. రంగ‌స్థ‌లంలో రంగ‌మ్మ‌త్త‌గా చెద‌ర‌ని ముద్ర వేసిన అన‌సూయ పుష్ప‌లో దాక్షాయ‌ణిగా ఎలాంటి ముద్ర‌ను వేస్తుందోన‌ని అనుకుంటున్నారు.

ఈ చిత్రం రెండు భాగాలుగా విడుద‌ల కానుంది. ఈ చిత్రాన్ని మైత్రీ మూవీ మేక‌ర్స్ నిర్మిస్తోంది. పుష్ప ది రైజ్ పేరుతో తొలి భాగం డిసెంబ‌ర్ 17న ప్రేక్ష‌కుల ముందుకు రానుంది.