సంజయ్ దత్ విషయంలో వస్తున్న వార్తలన్నీ పుకార్లే..!

ప్రముఖ బాలీవుడ్ నటుడు సంజయ్ దత్ షూటింగ్ సమయంలో గాయపడ్డాడనే వార్తలు వైరల్ అయ్యాయి. కన్నడ సినిమా 'కేడి' షూటింగ్ లో సంజయ్ దత్ గాయపడ్డాడని వార్తలు వచ్చాయి. యాక్షన్ సన్నివేశాన్ని చిత్రీకరిస్తుండగా ఈ ప్రమాదం సంభవించిందని పలు మీడియా సంస్థలు కథనాలను ప్రసారం చేశాయి.

ఈ వార్తల్లో ఎటువంటి నిజం లేదని, తాను గాయపడలేదని సంజయ్ దత్ స్పష్టం చేసాడు. ఇవన్నీ అవాస్తవాలు అని, తాను ఆరోగ్యంగా ఉన్నానని తెలిపాడు. ప్రస్తుతం 'కేడీ' సినిమా షూటింగ్ చేస్తున్నానని, తాను చేసే సన్నివేశాలు అన్నిటికీ ఈ సినిమా యూనిట్ సభ్యులు చాలా ముందు జాగ్రత్తలు తీసుకొని మరీ చేస్తున్నారని అన్నాడు సంజయ్. యూనిట్ వాళ్ళని అభినందించాడు సంజయ్ దత్.