పండంటి బిడ్డకు జన్మనిచ్చిన ఇలియానా.. వైరలవుతున్న ఫొటో

ప్రముఖ నటి ఇలియానా తల్లి అయ్యారు. ఆగస్టు 1వ తేదీన పండంటి మగబిడ్డకు జన్మనిచ్చారు. ఈ విషయాన్ని శనివారం నాడు సోషల్‌ మీడియా వేదికగా ప్రకటించారు. ఈ మేరకు చిన్నారి ఫొటోను షేర్‌ చేసి తమ ఆనందాన్ని అందరితో పంచుకున్నారు. ఇన్‌స్టాగ్రామ్‌లో 'బర్ఫీ' నటి ఆగస్టు 1 న జన్మించిన తన నవజాత శిశువు చిత్రాన్ని పోస్ట్ చేసింది. మా ప్రియమైన అబ్బాయి 'కో ఫొనిక్స్ డోలన్‌'ని పరిచయం చేస్తున్నాను. మా హృదయాలను దాటి ప్రపంచానికి పరిచయం చేస్తున్నందుకు ఎంత సంతోషంగా ఉందో మాటల్లో చెప్పలేం అని పేర్కొన్నారు. ఇక ఇలియానాకు పలువురు నెటిజన్లు, ప్రముఖులు అభినందనలు తెలుపుతున్నారు. హుమా ఖురేషి, అథియా శెట్టి, నర్గీస్ ఫక్రీ, సోఫీ చౌదరి వంటి నటీమణులు ఈ పోస్ట్‌పై వ్యాఖ్యానిస్తూ, దంపతులను అభినందిస్తూ, మగబిడ్డపై ప్రేమను కురిపించారు.

ఇలియానా ఈ ఏడాది ఏప్రిల్‌లో గర్భం దాల్చినట్లు ప్రకటించింది. అప్పటి నుండి సోషల్ మీడియాలో తన బేబీ బంప్‌ను ప్రదర్శిస్తోంది. గత నెల జులైలో ప్రియుడి ఫొటోలను సోషల్‌ మీడియాలో షేర్‌ చేసింది. అయితే అతడి పేరును మాత్రం వెల్లడించలేదు. సదరు ప్రియుడితో తనకు పెళ్లయిందా లేదా అనే విషయాన్ని కూడా ఆమె వెల్లడించలేదు. 'దేవదాస్‌' సినిమాతో ఇండస్ట్రీలో అడుగుపెట్టిన ఇలియానా.. చివరిసారిగా బాద్షా యొక్క 'సబ్ గజాబ్' పాటలో కనిపించింది. అయితే ఆమె అభిషేక్ బచ్చన్‌తో కలిసి కూకీ గులాటి దర్శకత్వం వహించిన, అజయ్ దేవగన్ నిర్మించిన చిత్రం 'ది బిగ్ బుల్'లో వెండితెరను పంచుకుంది. ఆమె తదుపరి చిత్రం రణదీప్ హుడాతో 'అన్‌ఫెయిర్ అండ్ లవ్లీ'లో కనిపించనుంది.