కెప్టెన్ విజ‌య్‌కాంత్ కు అస్వ‌స్థ‌త.. ఆస్ప‌త్రిలో చేరిక
Actor Vijaykanth hospitalised.త‌మిళ సినీ న‌టుడు, డీఎండీకే అధినేత కెప్టెన్ విజ‌య్‌కాంత్ అస్వ‌స్థ‌త‌కు గుర‌య్యారు.
By తోట వంశీ కుమార్‌
త‌మిళ సినీ న‌టుడు, డీఎండీకే అధినేత కెప్టెన్ విజ‌య్‌కాంత్ అస్వ‌స్థ‌త‌కు గుర‌య్యారు. బుధ‌వారం తెల్ల‌వారుజామున ఆయనకు శ్వాస తీసుకోవ‌డంలో ఇబ్బందులు త‌లెత్తాయి. దీంతో వెంట‌నే కుటుంబ స‌భ్యులు ఆయ‌న్ను చెన్నైలోని ఓ ప్ర‌ముఖ ఆస్ప‌త్రికి త‌ర‌లించారు. ప్ర‌త్యేక వైద్య‌బృందం ప్ర‌స్తుతం ఆయనకు చికిత్స అందిస్తోంది. కాగా.. దీనిపై డీఎండీకే పార్టీ ఓ ప్ర‌క‌ట‌న‌ను విడుద‌ల చేసింది.
జ‌న‌ర‌ల్ చెక‌ప్ కోసం మాత్ర‌మే ఆయన ఆస్ప‌త్రిలో చేరార‌ని.. ప్ర‌స్తుతం ఆయన ఆరోగ్యం నిల‌క‌డ‌గానే ఉన్న‌ట్లు చెబుతున్నారు. మ‌రో రెండు రోజుల్లో ఆయన డిశ్చార్జ్ కానున్న‌ట్లు ఆ ప్ర‌క‌ట‌న‌లో తెలిపారు. కాగా.. ఈ విష‌యం తెలిసిన ఆయన అభిమానులు త్వ‌ర‌గా ఆయన కోలుకోవాల‌ని ప్రార్థిస్తున్నారు. కాగా.. గత ఏడాది ఆయన కరోనా బారిన పడిన సంగతి తెలిసిందే. కరోనా లక్షణాలు కనిపించడంతో పరీక్షలు చేయించుకోగా తనకు పాజిటివ్ నిర్ధారణ అయిందని అప్పట్లో ఆయన తెలిపారు. ఆ తర్వాత చికిత్స తీసుకుని ఆయన సురక్షితంగా బయటపడ్డారు.
