మ‌హా స‌ముద్రం.. సిద్ధార్థ్‌ ఫ‌స్ట్ లుక్ విడుద‌ల

'బొమ్మ‌రిల్లు', 'నువ్వొస్తానంటే నేనొద్దంటానా' వంటి చిత్రాల‌తో ప్రేక్ష‌కుల మ‌దిలో చెద‌ర‌ని ముద్ర వేసిన న‌టుడు సిద్ధార్థ్‌. ల‌వ‌ర్ బాయ్‌గా అమ్మాయిల మ‌దిని దోచాడు. అయితే.. కొన్ని కార‌ణాల వ‌ల్ల టాలీవుడ్‌కు దూరం అయ్యాడు ఈ న‌టుడు. అయితే.. చాలా కాలం త‌రువాత 'ఆర్ఎక్స్ 100' ఫేమ్ అజ‌య్ భూప‌తి ద‌ర్శ‌క‌త్వంలో తెర‌కెక్కుతున్న 'మ‌హా స‌ముద్రం' చిత్రంతో టాలీవుడ్‌కు రీ ఎంట్రీ ఇవ్వ‌నున్నాడు. ఈ చిత్రంలో శ‌ర్వానంద్‌తో క‌లిసి సిద్దార్థ్ కీల‌క పాత్ర‌లో న‌టిస్తున్నారు.

నేడు సిద్ధార్థ్ పుట్టిన రోజు సంద‌ర్భంగా చిత్ర బృందం మ‌హా స‌ముద్రంలోని సిద్ధార్థ్ ఫస్ట్ లుక్ ను విడుదల చేసింది. టీ-షర్టుపై చొక్కా ధరించిన సిడ్ మునుపటిలానే లవర్ బోయ్ లా లవబుల్ గా కనిపిస్తున్నారు. అతడు అంత పొడవైన క్యూలో నిలబడి కూడా తన చిలిపి చేష్టల్ని విడిచినట్టు లేదు. ఈ వైవిధ్యమైన చిత్రాన్ని ఏకే ఎంటర్టైన్మెంట్స్ బ్యానర్ పై అనిల్ సుంకర ప్రతిష్టాత్మకంగా తెరకెక్కిస్తున్నారు. సముద్రం నేపథ్యంలో లవ్ అండ్ యాక్షన్ డ్రామాగా నిర్మితమవుతున్న ఈ చిత్రంలో అదితి రావు హైదరి, అను ఇమ్మాన్యుయేల్ హీరోయిన్లుగా నటిస్తున్నారు. ఆగ‌స్టు 19న ఈ చిత్రం ప్రేక్ష‌కుల ముందుకు రానుంది.