పండగ పూట మెగా అభిమానులకు శుభ‌వార్త.. ఆచార్య వ‌చ్చేస్తున్నాడు
Acharya Movie release on April 1st 2022.మెగా అభిమానులకు ఇది నిజంగా శుభ‌వార్త. మెగాస్టార్ చిరంజీవి న‌టించిన
By తోట వంశీ కుమార్‌ Published on 16 Jan 2022 5:48 AM GMT
మెగా అభిమానులకు ఇది నిజంగా శుభ‌వార్త. మెగాస్టార్ చిరంజీవి న‌టించిన చిత్రం 'ఆచార్య'. కొర‌టాల శివ ద‌ర్శ‌క‌త్వంలో తెర‌కెక్కిన ఈ చిత్రంలో మెగాప‌వ‌ర్ స్టార్ రామ్‌చ‌ర‌ణ్ కీల‌క పాత్ర‌లో న‌టించారు. ఇప్ప‌టికే ఈ చిత్రం ఎప్పుడో విడుద‌ల కావాల్సి ఉండ‌గా.. క‌రోనా మ‌హ‌మ్మారి కార‌ణంగా ప‌లు మార్లు వాయిదా ప‌డింది. తాజాగా కొత్త విడుద‌ల తేదీని చిత్ర బృందం ప్ర‌క‌టించింది. ఉగాది కానుక‌గా ఏప్రిల్ 1న ఈ సినిమాను ప్రేక్ష‌కుల ముందుకు తీసుకురానున్న‌ట్లు సోష‌ల్ మీడియా ద్వారా చిత్ర‌బృందం వెల్ల‌డించింది.
"ఈ ఉగాది పెద్దతెరపై మెగా మాస్ సాక్ష్యంగా నిలబడుతుంది.. ఆచార్య ఏప్రిల్ 1 న రిలిజ్ అవుతుంది" అని ట్వీట్ చేసింది. విడుద‌ల తేదీతో పాటు మ‌రో కొత్త పోస్ట‌ర్‌ను విడుద‌ల చేశారు. చేతిలో గొడ్డ‌లి ప‌ట్టుకుని ఉగ్ర‌రూపంలో ఉన్న మెగాస్టార్ అందులో క‌నిపిస్తున్నారు. మ్యాట్నీ ఎంట‌ర్‌టైన్‌మెంట్స్‌, కొణిదెల ప్రొడక్షన్ సంయుక్తంగా నిర్మిస్తున్న ఈ చిత్రంలో చిరుకు జోడిగా కాజల్, చ‌ర‌ణ్ స‌ర‌స‌న పూజా హెగ్డే న‌టిస్తున్నారు. మ‌ణిశ‌ర్మ ఈ చిత్రానికి సంగీతాన్ని అందిస్తున్నారు.
