యాక్షన్ కోసం రెడీ అవుతున్న 'ఫైటర్' !

వారి ఆసక్తికి తగ్గట్లుగానే ఈ సినిమాలో అతిలోక సుందరి శ్రీదేవి కూతురు జాన్వీ కపూర్ విజయ్‌ దేవరకొండ సరసన నటించబోతుందని వార్తలు వస్తున్నాయి. ఇప్పటికే జాన్వి హీరోయిన్ గా చెయ్యటానికి అంగీకరించినట్లు బాలీవుడ్ మీడియా కూడా వార్తలు రాస్తోంది. విజయ్ దేవరకొండ కూడా చాల రోజులనుంచి బాలీవుడ్ సినిమా చేయాలని ఎంతో ఇంట్రస్ట్ గా ఎదురు చూస్తున్నాడు. ఈ క్రమంలోనే బాలీవుడ్ నిర్మాత కరణ్ జోహార్ విజయ్ దేవరకొండను బాలీవుడ్ లో పరిచయం చేసే బాధ్యత తీసుకున్నాడట. కరుణ్ జోహారే జాన్విని ఒప్పించాడట. మరి ఇందులో ఎంత నిజం ఉందో చూడాలి.

ఈ చిత్రాన్ని అన్ని దక్షిణ భాషలతో పాటు హిందీలో కూడా ఒకేసారి తెరకెక్కించనున్నారని అందుకు ఏర్పాట్లు కూడా చేస్తున్నారని తెలుస్తోంది. ఫైటర్ కథలో పాన్ ఇండియా అప్పీల్ ఉందని భావించిన కరణ్ జోహార్ పూరి, ఛార్మిలతో కలిసి ఈ సినిమా నిర్మణంలో భాగస్వామి కానున్నాడు. అన్నట్లు ఈ సినిమాలో నటించే మిగిలిన నటీనటులు ఎవరు అనే విషయాలను త్వరలోనే అధికారికంగా ప్రకటించనున్నారు.