మాల్‌లో చాక్లెట్ దొంగిలించిన వీడియో వైరల్.. యువతి ఆత్మహత్య

షాపింగ్‌మాల్‌కు వెళ్లిన ఓ విద్యార్థిని.. అక్కడ ఉన్న చాక్లెట్లను దొంగిలించింది. అయితే మాల్‌ నుంచి బయటకు వెళ్తున్న సమయంలో సెక్యూరిటీ గార్డ్స్‌కు దొరికింది. ఆ తర్వాత తప్పు చేశానని చెప్పి, డబ్బులు చెల్లించి ఇంటికి వెళ్లిపోయింది. ఆ సమయంలో మాల్‌ సిబ్బంది తీసిన వీడియోలు సోషల్‌ మీడియాలో షేర్‌ చేశారు. విద్యార్థిని కాలేజీకి వెళ్లిన సమయంలో సోషల్‌ మీడియాలో తన దొంగతనానికి సంబంధించిన వీడియో కనిపించింది. వీడియో వైరల్‌ కావడంతో అవమాన భారం తట్టుకోలేక ఆత్మహత్యకు పాల్పడింది. ఈ ఘటన పశ్చిమ బెంగాల్‌లోని అలీపుర్‌దూర్ జిల్లాలో జరిగింది.

యువతి నేరాన్ని ఒప్పుకున్న సమయంలో షాపింగ్ మాల్‌లో పనిచేసే వ్యక్తులు ఆమె ఫోటోలు తీశారు. తనను చిత్రీకరించిన లేదా ఫోటో తీసిన వారిని ఎక్కడా షేర్ చేయవద్దని యువతి వేడుకుంది. అయితే మాల్‌ సిబ్బంది మాత్రం తమకు ఏమీ పట్టనట్లు వీడియోలు నెట్టింట పోస్టు చేశారు. ఈ ఫోటోలు, వీడియోలు వైరల్ కావడంతో ఆదివారం రాత్రి ఇంట్లోనే ఆత్మహత్య చేసుకుని చనిపోయిందని కాలేజీ విద్యార్థిని కుటుంబీకులు చెబుతున్నారు. సెప్టెంబరు 29న తన పెద్ద కూతురు తన చెల్లెలితో కలిసి షాపింగ్ మాల్‌కు వెళ్లిందని, అక్కడ తప్పు చేసి ఎవరికీ సమాచారం ఇవ్వకుండా చాక్లెట్ తీసుకెళ్లిందని మృతురాలి తండ్రి రతన్ ఘోష్ చెప్పారు.

ఫోటో, వీడియో వైరల్ అయిన తర్వాత విద్యార్థి చాలా ఒత్తిడికి లోనయ్యాడని కుటుంబ సభ్యులు తెలిపారు. "ఆమె తప్పు చేసింది. డబ్బు తీసుకున్న వారు కూడా ఆమెను వేధించారు. వీడియోను వైరల్ చేయవద్దని ఆమె వారిని వేడుకుంది." అని తండ్రి చెప్పారు. "చట్టం ప్రకారం చర్యలు తీసుకోవాలి. వీడియోను ఎందుకు వైరల్ చేయవలసి వచ్చింది? ఈ రోజు నా కుమార్తె ఆత్మహత్యతో మరణించింది, నేను ఆమెను ఎలా తిరిగి పొందుతాను? వారు ఆమె డబ్బు తీసుకున్నారు, నా కుమార్తెను చావుకు కారణమయ్యారు. వారు నా కూతుర్ని తిరిగి ఇవ్వాలా?" అని ప్రశ్నించాడు.

ఈ ఘటనతో ఆగ్రహించిన జనాలు షాపింగ్ మాల్ ముందు గుమిగూడి జైగావ్ పోలీస్ స్టేషన్ వద్ద నిరసన తెలిపారు. సోమవారం ఉదయం గ్రామస్తులు జైగావ్ పోలీస్ స్టేషన్ ఎదుట బైఠాయించి ఫోటో, వీడియో తీసిన వారిపై కేసులు పెట్టాలని డిమాండ్ చేశారు. దీనిపై పోలీసులు విచారణ జరుపుతున్నట్లు జైగావ్ పోలీసు అధికారి ప్రబీర్ దత్తా తెలిపారు. మృతదేహాన్ని పోస్టుమార్టం నిమిత్తం తరలించారు. ఎవరినీ అరెస్టు చేయలేదు. ఆత్మహత్యాయత్నానికి పురికొల్పిన కేసుగా చూస్తున్నామని, ఈ ఘటన వెనుక ఉన్న వారిని పట్టుకుంటామని పోలీసులు తెలిపారు. ఈ ఘటనపై షాపింగ్ మాల్ అధికారులు ఇంతవరకు స్పందించలేదు.