లైంగిక వేధింపులపై ఫిర్యాదు.. మైనర్‌ బాలికలకు గ్రామస్తుల హింస

Tamil Nadu minor sisters sexually assaulted, face heckling, threats from villager. స్థానికుల వేధింపుల నుంచి తమను రక్షించాలని ఇద్దరు మైనర్ సోదరీమణులు తమిళనాడు ముఖ్యమంత్రి ఎంకే స్టాలిన్‌ను

By అంజి  Published on  15 March 2022 6:44 AM GMT
లైంగిక వేధింపులపై ఫిర్యాదు.. మైనర్‌ బాలికలకు గ్రామస్తుల హింస

స్థానికుల వేధింపుల నుంచి తమను రక్షించాలని ఇద్దరు మైనర్ సోదరీమణులు తమిళనాడు ముఖ్యమంత్రి ఎంకే స్టాలిన్‌ను అభ్యర్థించారు. లైంగిక వేధింపులపై పోలీసులకు ఫిర్యాదు చేసినందుకు స్థానికులు బాలికలను మానసికంగా, శారీరకంగా హింసించారు. 15 ఏళ్లు, 17 ఏళ్ల బాలికలు వేధింపుల గురించి వెల్లడిస్తూ కన్నీళ్లు పెట్టుకున్న వీడియో సోషల్ మీడియాలో విస్తృతంగా ప్రచారం చేయబడింది.

మహాబలిపురం పోలీసులకు ఫిర్యాదు చేసినా ఎలాంటి చర్యలు తీసుకోలేదని బాలికలు తెలిపారు. నిందితులకు మద్దతిచ్చే వారు నిత్యం మమ్మల్ని వేధిస్తున్నారు. స్థానికులు మమ్మల్ని ఒంటరి చేస్తున్నారు. ఇంట్లో నుంచి బయటకు రావడానికి కూడా భయపడుతున్నాం. ఇలా భయంతో బతకడం కంటే చనిపోవడం మేలు అంటూ ఆ వీడియోలో అమ్మాయిలు పేర్కొన్నారు. తమ మేనమామ కొడుకు తమపై అసభ్యంగా ప్రవర్తించాడని ఫిర్యాదు చేయడంతో స్థానికులు బాలికల కుటుంబానికి వ్యతిరేకంగా మారారు. వారిని ఒంటరిగా ఉంచడం ప్రారంభించారు. బయటకు వెళ్లినప్పుడు స్థానికులు వారిపై వేధింపులకు పాల్పడుతున్నారని, ఫిర్యాదుతో ముందుకు వెళితే ఇంటికి నిప్పు పెడతామని బెదిరించారు.

ఫిర్యాదు మేరకు పోక్సో కేసు నమోదు చేశారు. బాలికలు మైనర్లు కాబట్టి వీడియోను ప్రచారం చేయవద్దని మేము సూచిస్తున్నాము అని పోలీసులు తెలిపారు. ఘటనపై విచారణ పురోగతిలో ఉంది.

Next Story
Share it