యువకులపై దాడి.. సింగర్‌ మనో కుమారులపై కేసు నమోదు

చెన్నైలో ఇద్దరు యువకులతో జరిగిన గొడవ అనంతరం మంగళవారం రాత్రి ప్రముఖ గాయకుడు మనో కుమారులు రఫీ, షకీర్‌లపై కేసు నమోదైంది. శ్రీదేవి కుప్పంలోని ఓ తినుబండారంలో మంగళవారం రాత్రి 16 ఏళ్ల బాలుడితో సహా ఇద్దరు వ్యక్తులపై దాడికి పాల్పడ్డారంటూ మద్యం మత్తులో ఉన్న గాయకుడు మనో ఇద్దరు కుమారులు సహా నలుగురిపై వలసరవాక్కం పోలీసులు కేసు నమోదు చేశారు.

అలపాక్కంకు చెందిన కిరుబాకరన్ (20), మధురవాయల్‌కు చెందిన 16 ఏళ్ల బాలుడు మంగళవారం స్పోర్ట్స్ ప్రాక్టీస్ తర్వాత వలసరవాక్కంలోని శ్రీదేవి కుప్పంలో ఉన్న తినుబండారానికి వెళ్లినట్లు పోలీసు వర్గాలు తెలిపాయి. గాయకుడి ఇద్దరు కుమారులు - షకీర్, రఫీ - ఇద్దరూ మద్యం మత్తులో ఉన్నారు. వారి స్నేహితులతో కలిసి తినుబండారం వద్ద ఉన్నారు. అక్కడ వారి మధ్య ఏదో విషయంలో వాగ్వాదం జరగడంతో వారు ఇద్దరిపై దాడి చేసి అక్కడి నుంచి పారిపోయారు. క్షతగాత్రులను చికిత్స నిమిత్తం ప్రభుత్వాసుపత్రికి తరలించారు.

బాధితుల ఫిర్యాదు మేరకు వలసరవాక్కం పోలీసులు కేసు నమోదు చేశారు. తదుపరి విచారణ కొనసాగుతోంది. రఫీ, అతని సోదరుడు షకీర్, ధర్మ, విఘ్నేష్‌లపై వలసరవాక్కం పోలీసులు భారతీయ న్యాయ సంహిత చట్టంలోని సెక్షన్లు 126(2) (తప్పుడు నిర్బంధం), 296(బి) (అశ్లీల చర్యలు), 118(1) (స్వచ్ఛందంగా గాయపరచడం) లేదా (ప్రమాదకరమైన ఆయుధాలు లేదా మార్గాల ద్వారా తీవ్రమైన గాయం), 351(3) (మరణ బెదిరింపులు) లేదా తీవ్రమైన గాయాలు) కింద అభియోగాలు మోపారు.