ఘోరం.. దివ్యాంగ బాలుడిపై లైంగికదాడి
Sexual harassment on physically challenged boy.కామంతో క‌ళ్లుమూసుకుపోయిన కామాంధుల‌కు క‌న్నుమిన్ను కాన‌డం లేదు.
By తోట వంశీ కుమార్‌ Published on 10 Oct 2021 8:25 AM GMT
కామంతో క‌ళ్లుమూసుకుపోయిన కామాంధుల‌కు క‌న్నుమిన్ను కాన‌డం లేదు. మాన‌సిక దివ్యాంగ బాలుడిపైన లైంగిక దాడికి ఒడిగ‌ట్టారు. ఈ విష‌యాన్ని ఎవ‌రికైనా చెబితే.. చంపేస్తామంటూ బెదిరించారు. ఇటీవ‌ల బాలుడు అనారోగ్యానికి గురికావ‌డంతో.. ఆరా తీయ‌గా అస‌లు విషయం వెలుగులోకి వ‌చ్చింది. ఈ ఘ‌టన మంచిర్యాల జిల్లాలో చోటు చేసుకుంది.
జైపూర్‌ పోలీస్‌ స్టేషన్‌ పరిధిలోని ఓ గ్రామంలో దివ్యాంగ బాలుడు నివాసం ఉంటున్నాడు. అతడి ప‌రిస్థితిని ఆస‌రాగా చేసుకున్న అదే గ్రామానికి చెందిన కుర్మిండ్ల రవి, పొలవేని సురేశ్‌, మహమ్మద్‌ సాదీక్‌, గడ్డం నందు, బోగె రాయలింగు లు కొద్ది రోజులుగా ఆ బాలుడిపై అస‌హ‌రీతిలో లైంగిక దాడికి పాల్ప‌డుతున్నారు. రెండు రోజుల క్రితం ఆ బాలుడు అస్వ‌స్థ‌త‌కు గురికావ‌డంతో అతడి త‌ల్లిదండ్రులు ఆరా తీయ‌గా.. అస‌లు విషయం బ‌య‌ట‌ప‌డింది. విషయం తెలిసి బాలుడి త‌ల్లిదండ్రులు వెంటనే పోలీసుల‌ను ఆశ్ర‌యించారు. దీనిపై కేసు న‌మోదు చేసిన విచార‌ణ చేప‌ట్టి ఐదుగురుని అరెస్టు చేసిన‌ట్లు జైపూర్‌ ఎస్సై రామకృష్ణ తెలిపారు.
