'అడల్ట్‌ సర్వీస్‌' లింక్‌పై క్లిక్‌ చేసిన విద్యార్థి.. కట్‌ చేస్తే..

ఇన్‌స్టాగ్రామ్‌లో అశ్లీల ఫోటోలు, వీడియో కాల్స్ సర్వీస్‌ అందించే ఓ లింక్‌పై క్లిక్ చేసిన తర్వాత ఓ ఉద్యోగి సైబర్ మోసగాళ్ల చేతిలో రూ.2.74 లక్షలు పోగొట్టుకున్నాడని ముంబై పోలీసు అధికారి శుక్రవారం తెలిపారు. ఆ లింక్ రూ.2,000 కి అడల్ట్‌ సర్వీస్‌లను అందిస్తుందని, దీనిని భాండప్ కు చెందిన బాధితుడు క్లిక్ చేశాడని అధికారి తెలిపారు.

"చివరికి అతను వివిధ సాకులతో రూ. 4,999 చెల్లించాడు. అతను మరిన్ని డబ్బులు బదిలీ చేయడానికి నిరాకరించడంతో, అతనికి కొత్త నంబర్ నుండి బెదిరింపు ఫోన్ కాల్ వచ్చింది. కాల్ చేసిన వ్యక్తి తనను తాను రవీంద్ర సింగ్ అని, ఉత్తరప్రదేశ్ పోలీసు అధికారినని చెప్పుకున్నాడు. బాధితుడు ఒక అమ్మాయిని లైంగికంగా వేధించాడని అతను ఆరోపించాడు" అని అధికారి తెలిపారు.

"భయంతో, ఆ ఉద్యోగి రూ. 2.74 లక్షలు బదిలీ చేశాడు. అయితే, తాను మోసపోయానని తరువాత గ్రహించాడు. అతని ఫిర్యాదు మేరకు గుర్తు తెలియని వ్యక్తిపై కేసు నమోదు చేశారు. తదుపరి దర్యాప్తు జరుగుతోంది" అని భండూప్ పోలీస్ స్టేషన్ అధికారి తెలిపారు.