సల్మాన్‌ ఖాన్‌కు బెదిరింపు మెయిల్‌.. యూకేలోని భారతీయ విద్యార్థిపై లుక్‌ అవుట్‌ నోటీస్‌ జారీ

ముంబై: యునైటెడ్ కింగ్‌డమ్‌లో వైద్య విద్యను అభ్యసిస్తున్న భారతీయ విద్యార్థి బాలీవుడ్ నటుడు సల్మాన్ ఖాన్‌కు బెదిరింపు ఇమెయిల్ పంపాడనే ఆరోపణలపై ముంబై పోలీసులు లుక్ అవుట్ సర్క్యులర్ (ఎల్‌ఓసి) జారీ చేసినట్లు ఒక అధికారి తెలిపారు. ఈమెయిల్ పంపిన వ్యక్తిగా విద్యార్థిని గుర్తించినందున, అతడిని భారత్‌కు తీసుకొచ్చేందుకు పోలీసులు తదుపరి ప్రక్రియను ప్రారంభించినట్లు అధికారి మంగళవారం తెలిపారు. విద్యార్థి హర్యానాకు చెందినవాడని విచారణలో తేలింది. అతను మెడికల్ కోర్సు మూడో సంవత్సరం చదువుతున్నాడు. బ్రిటన్‌లో విద్యార్ధి సెషన్ ముగిసే సమయానికి ఈ ఏడాది చివరి నాటికి భారత్‌కు తిరిగి వచ్చే అవకాశం ఉందని అధికారి తెలిపారు.

మార్చిలో జైలులో ఉన్న గ్యాంగ్‌స్టర్ గోల్డీ బ్రార్ పేరుతో విద్యార్థి సల్మాన్ ఖాన్‌కు బెదిరింపు సందేశాలు పంపినట్లు పోలీసులు అనుమానిస్తున్నారు. కొన్ని రోజుల క్రితం.. సల్మాన్ ఖాన్ తన అధికారిక ఐడీలలో ఒకదానిలో గ్యాంగ్‌స్టర్ లారెన్స్ బిష్ణోయ్ సహాయకుడు గోల్డీ బ్రార్‌ను కలవాలని, వారి విభేదాలను ఒకసారి పరిష్కరించుకోవాలని లేదా తీవ్ర పరిణామాలను ఎదుర్కోవడానికి సిద్ధంగా ఉండాలని పేర్కొన్న ఇమెయిల్‌ను అందుకున్నాడు.

ఏప్రిల్ 30న పోలీస్ కంట్రోల్ రూమ్‌కు కాల్ చేసి.. నటుడు సల్మాన్‌ఖాన్‌ను చంపుతానని బెదిరించినందుకు ముంబై క్రైమ్ బ్రాంచ్ ఇటీవల 16 ఏళ్ల బాలుడిని అరెస్టు చేసింది. పోలీసుల ప్రకారం.. నిందితుడు రాజస్థాన్‌లోని జోధ్‌పూర్‌కు చెందినవాడు. నిందితుడు 'సరదా' కోసం అలా చేశానని చెప్పాడు. ‘ఏప్రిల్ 30న సల్మాన్‌ఖాన్‌ని చంపబోతున్నాను.. చెప్పు’ అని పోలీసు కానిస్టేబుల్‌కి కాల్‌ రావడంతో కాల్‌ డిస్‌కనెక్ట్‌ అయింది. క్రైమ్ ఇంటెలిజెన్స్ యూనిట్ (CIU) సైబర్ పోలీసుల సహాయంతో చర్య ప్రారంభించింది. థానేలోని షాపూర్ తాలూకాలోని డోల్‌ఖాంబ్ గ్రామంలో కాల్ చేసిన వ్యక్తిని గుర్తించింది. పోలీసులకు పట్టుబడకముందే మైనర్ తన స్నేహితుడితో కలిసి బైక్‌పై పారిపోయేందుకు ప్రయత్నించాడు.