గీజర్ లీక్ అయి భర్త మరణం.. తట్టుకోలేని భార్య
బెంగళూరులోని బెట్టనగెరె గ్రామంలో గ్యాస్ గీజర్ లీక్ అయి భర్త మరణించగా, ఆ బాధతో అతడి భార్య ఆత్మహత్య చేసుకుంది.
By - Medi Samrat
వృత్తిరీత్యా డ్రైవర్ అయిన బి. రాజ్, కెనరా బ్యాంక్ ఉద్యోగి మీనా (35) ఇంట్లో గీజర్ నుండి గ్యాస్ లీక్ అయింది. రాజ్ స్నానానికి వెళ్ళినప్పుడు గ్యాస్ పీల్చడం వల్ల కుప్పకూలి అక్కడికక్కడే మరణించాడు.
ఆ దంపతుల కుమారుడు తరుణ్ తరువాత తన తండ్రి మరణం గురించి తన తల్లికి తెలియజేశాడు. ఈ సంఘటన గురించి తెలుసుకున్న మీనా ఇంటికి తిరిగి రాలేదని, మార్చురీని సందర్శించలేదని ఆమె కనిపించడం లేదని పోలీసులు తెలిపారు. చాలా గంటలుగా ఆమె నుండి ఎటువంటి సమాచారం లేకపోవడంతో, తరుణ్ రాత్రి పొద్దుపోయే వరకు వేచి ఉండి పోలీస్ స్టేషన్లో మిస్సింగ్ ఫిర్యాదు చేశాడు.
పోలీసులు గాలింపు చర్యలో భాగంగా బెత్తనగెరె గ్రామం సమీపంలో మీనా మృతదేహం చెట్టుకు వేలాడుతూ కనిపించడంతో ఆమె ఆత్మహత్య చేసుకున్నట్లు నిర్ధారించారు. ఆమె భర్త ఆకస్మిక మరణాన్ని ఆమె తట్టుకోలేకపోయిందని దర్యాప్తు అధికారులు భావిస్తున్నారు. నేలమంగళ పోలీస్ స్టేషన్, మాదనాయకనహళ్లి పోలీస్ స్టేషన్లో వేర్వేరు కేసులు నమోదయ్యాయి. తదుపరి దర్యాప్తు జరుగుతోంది.
