సల్మాన్‌ఖాన్‌ ఇంటిపై కాల్పులు జరిపిన నిందితుడు ఆత్మహత్యాయత్నం

బాలీవుడ్‌ హీరో సల్మాన్ ఖాన్ ఇంటిపై కాల్పుల జరిపిన కేసులో నిందితుల్లో ఒకరు ఆత్మహత్యాయత్నానికి ప్రయత్నించాడని వర్గాలు బుధవారం తెలిపాయి.

By అంజి
Published on : 1 May 2024 3:04 PM IST

Salman Khan, firing case, suicide,Mumbai

సల్మాన్‌ఖాన్‌ ఇంటిపై కాల్పులు జరిపిన నిందితుడు ఆత్మహత్యాయత్నం

బాలీవుడ్‌ హీరో సల్మాన్ ఖాన్ ఇంటిపై కాల్పుల జరిపిన కేసులో నిందితుల్లో ఒకరు ఆత్మహత్యాయత్నానికి ప్రయత్నించారని వర్గాలు బుధవారం తెలిపాయి. పోలీసు కస్టడీ సమయంలో ఈ ఘటన జరిగినట్లు సమాచారం. ముంబైలోని గెలాక్సీ అపార్ట్‌మెంట్‌లో కాల్పులు జరిపిన కొందరు నిందితులను ముంబై క్రైమ్ బ్రాంచ్ పోలీసులు అదుపులోకి తీసుకున్నారు. ఈ నిందితుల్లో ఒకరిని 32 ఏళ్ల అనుజ్ థాపన్‌గా గుర్తించారు.

అతను సల్మాన్ ఖాన్ ఇంటి వెలుపల కాల్పులు జరిపిన ఇద్దరు వ్యక్తులకు ఆయుధాలు అందించినట్లు ఆరోపణలు వచ్చాయి. మూలాల ప్రకారం, అనూజ్‌ థాపన్ తన జీవితాన్ని పోలీసు కస్టడీలో ముగించడానికి ప్రయత్నించాడు. సంఘటన తర్వాత, అతని పరిస్థితి విషమంగా మారడంతో ముంబైలోని జీటీ ఆసుపత్రికి తరలించారు. ఏప్రిల్ 25న పంజాబ్‌కు చెందిన మరో నిందితుడు సోను సుభాష్ చందర్ (37)తో పాటు థాపన్‌ను ముంబై పోలీసులు అరెస్టు చేశారు.

Next Story