టాలీవుడ్‌లో ప్ర‌స్తుతం ‘బి ది రియ‌ల్ మ్యాన్’ ట్రెండ్ కొన‌సాగుతోంది. ఇంటి ప‌నుల్లో ఆడ‌వారికి సాయం చేయాలంటూ ‘అర్జున్ రెడ్డి’ ద‌ర్శ‌కుడు సందీప్ వంగ బీ ‘ది రియ‌ల్ మ్యాన్’ ఛాలెంజ్ ను ప్రారంభించాడు. ఇప్ప‌టికే ఈ ఛాలెంజ్‌ను రాజ‌మౌళి, ఎన్టీఆర్‌, రామ్‌చ‌ర‌ణ్‌, కీర‌వాణి లు స్వీక‌రించి కంప్లీట్ చేశారు.

ఇక‌ మెగాస్టార్ చిరంజీవిని ఎన్టీఆర్ ఈ ఛాలెంజ్ కోసం నామినేట్ చేసిన సంగ‌తి తెలిసిందే. తాజాగా మెగాస్టార్ ఈ ఛాలెంజ్ ను పూర్తి చేశాడు. ఇందుకు సంబంధించిన వీడియోను ట్విట్ట‌ర్‌లో పోస్టు చేశారు. ఈ ఛాలెంజ్ పుణ్య‌మా అని మెగాస్టార్ దోశ‌లు ఎలా వేస్తారో చూసే ఛాన్స్ అభిమానుల‌కు ద‌క్కింది. ఈ వీడియోలో చిరంజీవి ఇల్లు శుభ్రం చేయ‌డంతో పాటు త‌న త‌ల్లి అంజ‌నాదేవికి పెస‌ర‌ట్టు ఉప్మా వేసి ఆమెకు ఆప్యాయంగా వ‌డ్డించారు.

‘భీమ్‌( ఆర్ఆర్ఆర్ చిత్రంలో ఎన్టీఆర్ పాత్ర పేరు)నువ్వ ఇచ్చిన ఛాలెంజ్‌ను స్వీక‌రించారు. నేను రోజూ చేసే ప‌నులే. ఈ రోజు మీ కోసం ఈ వీడియో సాక్ష్యం’ అని చిరంజీవి పేర్కొన్నాడు. ఈ ఛాలెంజ్‌కు కేటీఆర్‌, ర‌జ‌నీకాంత్‌ను నామినేట్ చేశాడు చిరు.


వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.