ఎన్సీపీ అధినేత‌తో బీజేపీ ఎంపీ భేటీ.. మ‌హారాష్ట్ర‌లో అస‌లేం జ‌రుగుతుంది.?

మహారాష్ట్ర‌ రాజకీయ ప‌రిణామాల‌పై నేడు సుప్రీంకోర్టులో విచారణ జరగ‌నుంది. ఈ ఉదయం 11.30గంటలకు గవర్నర్ తీరుపై శివసేన, కాంగ్రెస్, ఎన్సీపీ దాఖలు చేసిన పిటిషన్‌పై వాదనలు ప్రారంభం కానున్నాయి. సుప్రీం జస్టిస్ ఎన్వీ రమణ, జస్టిస్ అశోక్ భూషణ్, జస్టిస్ సంజయ్ ఖన్నాలతో కూడిన ధర్మాసనం ఈ పిటిష‌న్‌పై వాద‌న‌లు విన‌నుంది.

అస‌లే గ‌రం గ‌రంగా న‌డుస్తున్న మ‌హా రాజ‌కీయాల‌లో మ‌రో ఊహించ‌ని మ‌లుపు చోటుచేసుకుంది. ఎన్సీపీ చీఫ్ శరద్ పవార్‌ ఇంటికి బీజేపీ ఎంపీ సంజయ్ కకాడే వెళ్లడం ఇప్పుడు రాజకీయ వర్గాల్లో చర్చనీయాంశమైంది. ఈ ఉదయం 9.30 గంటల ప్రాంతంలో ప‌వార్ నివాసానికి సంజయ్ చేరుకున్నారు. ఆయనతో పాటు ఎన్సీపీ సీనియర్ నేత‌ జయంత్ పాటిల్ కూడా ఉన్నారు. సుప్రీంలో వాదనలు నేఫ‌థ్యంలో ఎన్సీపీ అధినేత‌తో బీజేపీ ఎంపీ భేటీ కావడం స‌రికొత్త చ‌ర్చ‌కు ఊత‌మిస్తుంది.