వారఫలాలు తేది 20-11-22 నుంచి 26-11-22 వరకు 

మేష రాశి : దూరప్రాంతాల బంధువుల నుంచి శుభవార్తలు అందుతాయి. నూతన వాహనం కొనుగోలు చేస్తారు. చిన్న తరహా పరిశ్రమలకు సకాలంలో పెట్టుబడులు అందుతాయి. వారం మధ్యలో ఆరోగ్య విషయంలో జాగ్రత్త అవసరం. వృత్తి వ్యాపారాలలో ముఖ్య నిర్ణయాలు తీసుకుంటారు. ప్రముఖులతో పరిచయాలు భవిష్యత్తులో ఉపయోగపడతాయి. ఉద్యోగాలలో మీ ప్రతిభకు తగిన గుర్తింపు లభిస్తుంది. కుటుంబ సభ్యులతో శుభకార్యాలలో పాల్గొంటారు. ఆర్థిక పరిస్థితి మెరుగ్గా ఉంటుంది. సన్నిహితులతో వివాదాలు తొలగి ఊరటపొందుతారు. స్థిరస్తి వివాదాల నుంచి బయటపడతారు. గృహ నిర్మాణయత్నాలు అనుకూలిస్తాయి. ధన వ్యవహారాలలో జాగ్రత్తగా ఉండాలి.

పరిహారం : ఆదిత్య హృదయ స్తోత్రం పారాయణం చేయడం వలన శుభఫలితాలను పొందగలుగుతారు.

వృషభ రాశి : ఇంటాబయట బాధ్యతలు ఉక్కిరిబిక్కిరి చేస్తాయి. కుటుంబ సభ్యులతో పుణ్యక్షేత్రాలు సందర్శిస్తారు. వారం మధ్యలో శుభవార్తలు అందుతాయి. ఆర్థిక పరిస్థితి అంతంత మాత్రంగా ఉంటుంది. నూతన ఋణ ప్రయత్నాలు కలిసిరావు. వ్యాపారాలలో స్వల్ప లాభాలు అందుతాయి. ఉద్యోగాలలో ఆకస్మిక స్థానచలన సూచనలు ఉన్నవి. నిరుద్యోగ ప్రయత్నాలు ముందుకు సాగక నిరుత్సాహపరుస్తాయి. ఆకస్మిక ధన, వస్తులాభాలు పొందుతారు. చేపట్టిన పనులలో శ్రమకు తగిన ఫలితం కనిపించదు. సంతానం విద్యా ఈ విషయాలపై దృష్టి పెట్టాలి. కుటుంబసభ్యులతో మాటపట్టింపులు ఉంటాయి. ఆరోగ్య విషయంలో అప్రమత్తంగా ఉండాలి. బందుమిత్రుల నుంచి ఒత్తిళ్లు పెరుగుతాయి.

పరిహారం :దత్త పంజర స్తోత్రం పారాయణం చేయడం వలన శుభఫలితాలను పొందగలుగుతారు.

మిథున రాశి : వ్యాపారస్తులు నూతన అవకాశాలను దక్కించుకుంటారు. నూతన పనులకు శ్రీకారం చుడతారు. చిన్ననాటి మిత్రులను కలుసుకుని కష్టసుఖాలు విచారిస్తారు. ధన వ్యవహారాలలో సొంత ఆలోచనలు కలసివస్తాయి. రావలసిన డబ్బు సకాలంలో చేతికి అందుతుంది. వారం మధ్యలో గృహమున ఆశ్చర్యకరమైన సంఘటనలు ఎదురవుతాయి. ఉద్యోగాలలో ఆశించిన మార్పులు జరుగుతాయి. వారం చివరిలో వృధా ఖర్చులు ఉంటాయి. చిన్ననాటి విషయాలు గుర్తు చేసుకుంటారు. స్వల్ప అనారోగ్య సమస్యలు బాధిస్తాయి. గృహ వాహన కొనుగోలు ప్రయత్నాలు వేగవంతం చేస్తారు. వ్యాపారాలు పురోగతిలో సాధిస్తారు. నూతన వ్యాపారాలకు పెట్టుబడులు సమకూరుతాయి.

పరిహారం : విష్ణు సహస్రనామ స్తోత్రం పారాయణం చేయడం వలన శుభఫలితాలను పొందగలుగుతారు.

కర్కాటక రాశి : గృహ నిర్మాణ ప్రయత్నాలు వేగవంతం చేస్తారు. వ్యాపార లావాదేవీలు మరింత ఉత్సాహంగా సాగుతాయి. సంఘంలో పలుకుబడి పెరుగుతుంది. ఆర్థిక పరిస్థితి మరింత సంతృప్తినిస్తుంది. సన్నిహితుల నుంచి ఆశించిన ధన సాయం అందుతుంది. ఆధ్యాత్మిక సేవా కార్యక్రమాలలో పాల్గొంటారు. ఉద్యోగాలలో పదోన్నతులు పెరుగుతాయి. అన్ని రంగాల వారికి అరుదైన అవకాశాలు. వారం ప్రారంభంలో ఆరోగ్య విషయంలో వైద్య సంప్రదింపులు చెయ్యవలసి వస్తుంది. బంధుమిత్రులతో చిన్నపాటి వివాదాలు తప్పవు. నిరుద్యోగులకు నూతన అవకాశాలు దక్కుతాయి. ఇంటా బయట కొన్ని సంఘటనలు ఆశ్చర్యపరుస్తాయి.

పరిహారం :రాజరాజేశ్వరీ స్తోత్రం పారాయణం చేయడం వలన శుభఫలితాలను పొందగలుగుతారు.

సింహ రాశి : చిన్ననాటి మిత్రులతో విందు వినోద కార్యక్రమాల్లో పాల్గొంటారు. రాజకీయ ప్రముఖుల నుండి అరుదైన ఆహ్వానాలు అందుతాయి. దూరపు బంధువుల నుండి ఆసక్తికరమైన విషయాలు తెలుసుకుంటారు. సంతాన ఉద్యోగయత్నాలు ఫలిస్తాయి. వారం మధ్యలో కుటుంబ సభ్యులతో ఆస్తివివాదాలు ఉంటాయి. ఆర్థికాభివృద్ధి కలుగుతుంది. మొండి బాకీలు వసూలవుతాయి. విద్యార్థులు పోటీ పరీక్షల్లో విజయం సాధిస్తారు. గృహమున శుభకార్యాలు నిర్వహిస్తారు. నూతన వాహన, ఆభరణాలు చేస్తారు. ముఖ్యమైన పనులు సకాలంలో పూర్తి చేస్తారు. వ్యాపారాలలో ఒత్తిడులు తొలగి లాభాలు అందుకుంటారు. ఉద్యోగాలలో హోదాలు పెరుగుతాయి. స్వల్ప అనారోగ్య సమస్యలు బాధిస్తాయి.

పరిహారం : దేవీ ఖడ్గమాలా స్తోత్రం పారాయణం చేయడం వలన శుభ ఫలితాలను పొందుతారు.

కన్య రాశి : ప్రముఖులతో పరిచయాలు విస్త్రుతమవుతాయి. కుటుంబ సభ్యులతో పుణ్యక్షేత్రాలు సందర్శిస్తారు. సన్నిహితుల నుంచి శుభకార్య ఆహ్వానాలు అందుతాయి. ఆర్థిక విషయాలలో పురోగతి కనిపిస్తుంది. సన్నిహితుల నుండి అందిన ఒక సమాచారం సంతోషం కలిగిస్తుంది. కొత్త పనులకు శ్రీకారం చుడతారు. నూతన గృహ వాహన కొనుగోలు యత్నాలు ఫలిస్తాయి. ఇంటా బయట ఉత్సాహకర వాతావరణం ఉంటుంది. వారం మధ్యలో ప్రయాణాలు వాయిదా పడతాయి. క్రయ విక్రయాలకు సంబంధించిన ఒప్పందాలు నిరుత్సాహపరుస్తాయి. నిరుద్యోగుల శ్రమ ఫలిస్తుంది. వ్యాపారాలు లాభాల దిశగా సాగుతాయి. ఉద్యోగాలలో అధికారులు అనుగ్రహంతో నూతన పదవులు పొందుతారు.

పరిహారం : హనుమాన్ చాలీసా పారాయణం చేయడం వలన శుభఫలితాలను పొందగలుగుతారు.

తుల రాశి : సంఘంలో గౌరవమర్యాదలకు లోటు ఉండదు. ధన వ్యవహారాలలో ఇబ్బందులు తప్పవు. గృహ నిర్మాణ ఆలోచనలు కార్యరూపం దాలుస్తాయి. చిన్ననాటి మిత్రులను కలుసుకుని ఉత్సాహంగా గడుపుతారు. వారం ప్రారంభంలో ఆస్తి వివాదాలు కొంత చికాకు పరుస్తాయి. చేపట్టిన పనులు సకాలంలో పూర్తి చేస్తారు. సంతానం పోటీపరీక్షల్లో విజయం సాధిస్తారు. కొత్త వ్యక్తుల పరిచయాలు మరింత ఉత్సాహాన్నిస్తాయి. సేవా కార్యక్రమాల్లో పాల్గొంటారు. నిరుద్యోగుల కలలు సాకరమౌతాయి. వృత్తి ఉద్యోగాలలో మీ బాధ్యతలను సమర్థవంతంగా నిర్వర్తిస్తారు. వ్యాపారాల విస్తరణకు కుటుంబ సభ్యుల సహాయ సహకారాలు అందుతాయి. అన్ని రంగాల వారికి అరుదైన అవకాశాలు లభిస్తాయి.

పరిహారం : లక్ష్మీ సహస్రనామ స్తోత్రం పారాయణం చేయడం వలన శుభఫలితాలను పొందగలుగుతారు.

వృశ్చిక రాశి : ఆర్థిక వ్యవహారాలు సంతృప్తికరంగా ఉంటాయి. నూతన వ్యవహారాలకు శ్రీకారం చుడతారు. బంధు, మిత్రుల నుంచి ఆహ్వానాలు అందుతాయి. వారం ప్రారంభంలో కుటుంబ వాతావరణం గందరగోళంగా ఉంటుంది. విద్యార్థుల శ్రమ ఫలిస్తుంది. విలువైన గృహోపకరణాలు కొనుగోలు చేస్తారు. సమాజంలో ప్రముఖులతో పరిచయాలు పెరుగుతాయి. కుటుంబంలో శుభకార్యాలు నిర్వహిస్తారు. పుణ్యక్షేత్ర సందర్శనం చేసుకుంటారు. ఆకస్మిక ప్రయాణ సూచనలు ఉన్నవి. వ్యాపారాలలో నూతన పెట్టుబడులతో లాభాలు అందుకుంటారు. ఉద్యోగాలలో పదోన్నతులు పెరుగుతాయి.

పరిహారం :సుబ్రహ్మణ్య కవచం పారాయణం చేయడం వలన శుభఫలితాలను పొందగలుగుతారు.

ధనస్సు రాశి : పలుకుబడి కలిగిన వ్యక్తులతో పరిచయాలు పెరుగుతాయి. ఆర్థిక పరిస్థితి గతం కంటే మెరుగ్గా ఉంటుంది. చిన్ననాటి మిత్రులతో గృహమున ఉత్సాహంగా గడుపుతారు. విద్యార్థులకు ఊహించని అవకాశాలు లభిస్తాయి. చిన్న తరహా పరిశ్రమలు ఉన్నాయి. వారం మధ్యలో ధన పరంగా ఇబ్బందులు తప్పవు. కుటుంబ సభ్యులతో మాటపట్టింపులు ఉంటాయి. ఆస్తి వివాదాలు కొలిక్కి వస్తాయి. పుణ్యక్షేత్రాలు సందర్శిస్తారు. నిరుద్యోగులకు ఉద్యోగావకాశాలు లభిస్తాయి. చేపట్టిన వ్యవహారాలు సాఫీగా పూర్తి చేస్తారు. వ్యాపారాలు మరింత లాభసాటిగా సాగుతాయి. ఉద్యోగాలలో అనుకూల మార్పులు ఉంటాయి.

పరిహారం : రామ రక్షా స్తోత్రం పారాయణం చేయడం వలన శుభఫలితాలను పొందగలుగుతారు.

మకర రాశి : ఆధ్యాత్మిక కార్యక్రమాలలో పాల్గొంటారు. శుభకార్యాలకు ధన వ్యయం చేస్తారు. ఆర్థిక లావాదేవీలు ఉత్సాహంగా సాగుతాయి. దీర్ఘకాలిక సమస్యలు తీరి ఊరట చెందుతారు. కొత్త నిరుద్యోగ యత్నాలు మరింత అనుకూలిస్తాయి. ఉద్యోగాలలో అనుకున్న హోదాలు దక్కుతాయి. రంగాల వారికి ఉన్నత అవకాశాలు లభిస్తాయి. పనులకు శ్రీకారం చుడతారు. ఆస్తి వివాదాలను తెలివిగా పరిష్కరించుకుంటారు. వారం చివరిలో కుటుంబంలో సమస్యలు ఉంటాయి. నూతన గృహ వాహన యోగం ఉన్నది. వ్యాపారాలలో మరింత ప్రగతి సాధిస్తారు.

పరిహారం : లక్ష్మీ నరసింహ స్తోత్రం పారాయణం చేయడం వలన శుభఫలితాలను పొందగలుగుతారు.

కుంభ రాశి : వృత్తి వ్యాపారాలలో ముఖ్యమైన నిర్ణయాలు తీసుకుంటారు. వివాదాల నుంచి తెలివిగా బయటపడతారు. ఉద్యోగాలలో మరింత అభివృద్ధి కనిపిస్తుంది. వారం ప్రారంభంలో బంధువులతో అకారణ వివాదాలు కలుగుతాయి. నూతన పనులు ప్రారంభిస్తారు. బంధువుల నుంచి శుభవార్తలు అందుతాయి. రావలసిన సొమ్ము సకాలంలో చేతికి అంది అవసరాలు తీరతాయి. వ్యాపారాలు లాభసాటిగా సాగుతాయి. రాజకీయవర్గాలకు అరుదైన ఆహ్వానాలు అందుతాయి. ధన పరంగా ఆలోచించి నిర్ణయాలు తీసుకోవడం మంచిది. ఆలయాలు సందర్శిస్తారు. ప్రముఖులతో చర్చలు ఫలిస్తాయి. నూతన వాహనం కొనుగోలు చేస్తారు.

పరిహారం : వెంకటేశ్వర వజ్ర కవచ స్తోత్రం పారాయణం చేయడం వలన శుభఫలితాలను పొందగలుగుతారు.

మీన రాశి : వాహన అనుకూలత కలుగుతుంది. సోదరులతో ముఖ్య విషయాలు చర్చిస్తారు. కుటుంబ సభ్యులతో పుణ్యక్షేత్రాలను సందర్శించుకుంటారు. అనుకున్న పనులు అనుకున్న విధంగా పూర్తి చేయగలుగుతారు. వారం ప్రారంభంలో దూరప్రయాణాలు చేస్తారు. ఆర్థిక పరిస్థితి గతం కంటే మెరుగ్గా ఉంటుంది. సన్నిహితులతో వివాదాలను పరిష్కరించుకుంటారు. నిరుద్యోగ ప్రయత్నాలు వేగవంతం చేస్తారు. ముఖ్యమైన పనులు వాయిదా పడతాయి. సంఘంలో ప్రముఖుల ఆదరణ పెరుగుతుంది. వ్యాపారాలు ఆశించిన విధంగా విస్తరిస్తారు. ఉద్యోగాలలో సమస్యలు తొలగి ఊరట చెందుతారు. రాజకీయ ప్రముఖులకు నూతన ప్రోత్సాహకాలు అందుతాయి.

పరిహారం : నవగ్రహ ధ్యాన శ్లోకం పారాయణం చేయడం వలన శుభఫలితాలను పొందగలుగుతారు.